कामना सेवा विकास बैंकको नाफा २६.९३% ले घट्यो, सेयरधनीलाई लाभांश कति ?

काठमाडौं । गत आर्थिक वर्षको असार मसान्तसम्ममा कामना सेवा विकास बैंकको नाफा २६.९३ प्रतिशतले घटेर ४३ करोड ११ लाख ९८ हजार रुपैयाँ रहेको छ ।

अघिल्लो आवको सोही अवधिमा बैंकले ५९ करोड ८५ हजार रुपैयाँ नाफा कमाएको थियो । असार मसान्तसम्म बैंकको खुद ब्याज आम्दानी ८.६५ प्रतिशतले बढेर २ अर्ब १६ करोड ५० लाख ३० हजार रुपैयाँ रहेको छ । सञ्चालन नाफा २०.०५ प्रतिशतले घटेर ६९ करोड १५ लाख १२ हजार रुपैयाँ रहेको छ ।

बैंकको वितरणयोग्य नाफा ५ करोड ८० लाख ९५ हजार रुपैयाँ रहेको छ । बैंकको सेयरधनीलाई लाभांश दिने क्षमता १.७७ प्रतिशत रहेको छ । ३ अर्ब २८ करोड ११ लाख ६४ हजार रुपैयाँ चुक्ता पुँजी भएको बैंकको जगेडा कोषमा १ अर्ब ४६ करोड ६२ लाख ७८ हजार रुपैयाँ रहेको छ ।

बैंकको खराब कर्जा २.३१ प्रतिशतबाट बढेर २.९८ प्रतिशत रहेको छ । प्रतिसेयर आम्दानी १३ रुपैयाँ १४ पैसा रहेको बैंकको प्रतिसेयर नेटवर्थ १४६ रुपैयाँ ४६ पैसा रहेको छ ।