राजश्व छलेको आरोपमा दुई कम्पनीविरुद्ध ७८ करोड रुपैयाँ दाबी गर्दै मुद्दा दायर

काठमाडौं । राजस्व अनुसन्धान विभागले राजस्व छलीको आरोपमा २ जनाविरुद्ध मुद्दा दायर गरेको छ ।

रुपन्देही जिल्ला, सिद्धार्थनगर नगरपालिका वडा नम्बर ३ स्थायी ठेगाना भई हाल रुपन्देही सिद्धार्थनगरपालिका वडा नम्बर ६, गल्लामण्डीमा रहेको सुमित एण्ड स्वयता ट्रेडर्स प्रोपाइटर पूनित बनिया र ललितपुर जिल्ला ललितपुर महानगरपालिका वडा नम्बर ११ कुम्भेश्वर स्थायी बसोबासी भएका त्रिशक्ती टे«डर्सका प्रोपाइटर सिद्धिबहादुर महर्जन विरुद्ध विभागले मुद्दा दायर गरेको हो ।

विभागले महर्जनविरुद्ध उच्च अदालत पाटनर बनियाँविरुद्ध उच्च अदालत तुल्सीपुरमा मुद्दा दायर गरेको हो ।

२०२२ मा ८ अर्ब २९ करोडको राजस्व चुहावट, सबैभन्दा धेरै राजस्व छल्ने कोकाकोला

राजस्व चुहावट गर्ने मनसायले जालसाजीयूक्त, नक्कली तथा झुट्टा मूल्य अभिबृद्धि कर विजक खरिद गरी वित्तीय विवरणहरु तथा आय विवरणहरु तयार गरी तिर्नुपर्ने कर नतिरी राजस्व चुहावट गरेको विभागले जनाएको छ ।

विभागले सुमित एण्ड स्वयत्ता ट्रेडर्स बुटवलका पूनित बनियाँविरुद्ध ३३ करोड ३ लाख ५० हजार ९६ रुपैयाँ छली गरेको भन्दै सो विगो कायम गरी ६६ करोड ७ लाख १ हजार ७९२ रुपैयाँ र त्रिशक्ती ट्रेर्डसका सिद्धि बहादुर महर्जन विरुद्ध ६ करोड १७ लाख ९२ हजार ५८९ रुपैयाँ छली गरेको भन्दै सो विगो कायम गरी १२ करोड ३५ लाख ८५ हजार १५ रुपैयाँ बराबरको सजायको माग माग गरेको छ ।