स्वास्थ्य बीमामा आवद्ध घरपरिवार संख्या ५०% पुर्याइने, बीमितको दर्ता अनलाइनबाट गरिने

काठमाडौं । स्वास्थ्य बीमामा आवद्ध घरपरिवार संख्या ५० प्रतिशत पुर्याईने भएको छ ।

स्वास्थ्य बीमा बोर्डले चालु आर्थिक वर्षभित्र कार्यक्रममा आवद्ध घरपरिवार संख्या ३३ प्रतिशतबाट बढाएर ५० प्रतिशतमा पुर्याईने लक्ष्य लिएको हो ।

१५औं योजना अवधिमा ६० प्रतिशत परिवारलाई स्वास्थ्य बीमामा आवद्ध गर्ने लक्ष्यअनुसार बिस्तार गर्न बाँकी रहेका ७ वटा स्थानीय तहमा समेत कार्यक्रम बिस्तार गर्ने लक्ष्य बोर्डले अघि सारेको छ ।

बोर्डले आव २०७९र८० का लागि स्वास्थ्य बीमा बोर्डको नीति तथा कार्यक्रम सार्वजनिक गर्दै यस्तो बताएको हो ।

हालसम्म ४५० वटा प्राथमिक स्वास्थ्य केन्द्र, आधारभुत अस्पताल, प्रादेशिक अस्पताल, संघिय अस्पताल, स्वास्थ्य विज्ञान प्रतिष्ठान, मेडिकल कलेज र नीजि अस्पतालहरूसँग सम्झौता गरी नागरिकलाई सेवा प्रदान हुँदै आएको छ ।

यस कार्यक्रममा हालसम्म कबि १७ लाख ४३ हजार ०४७ परिवार९३२।१४५० र करिब ५६ लाख ५७ हजार ७२५९२१।३५५० नागरिक आबघ भएका छन् ।

सूचना प्रविधिको प्रयोगरी बीमितको अनलाईन प्रणालीबाट गर्ने पद्दतीको शुरूवात गरिने नीति बोर्डले लिने भएको छ ।

बीमा कार्यक्रमलाई प्रभावकारीरूपमा संचालन गर्नका लागि बीमा व्यवस्थापन सूचना प्रणालीमार्फत प्राप्त सूचनालाई व्यवस्थित गरी तथ्य पत्ता लगाउने, सेवा ग्राही र सेवा प्रदायक स्वास्थ्य संस्थाका आवश्यक अध्ययन अनुसन्धान गरी प्राप्त तथ्यका आधारमा योजना निर्माण गर्ने प्रक्रिया अगाडि बढाईने बोर्डले जनाएको छ ।

स्वास्थ्य सेवा प्रदायकले दाबी गर्दा सरल, प्रभावकारी र एकरूपताका लागि बोर्डबाट उपयुक्त किसिमाको इएमआर निमार्ण गरि लागु गर्ने तथा बीमा सूचना प्रविधिको लागि नयाँ सफ्टवेयर निमार्ण गरिने भएको छ ।

यस कार्यक्रममा सेवाग्राहीको संख्या दिनानुदिन बढ्दै गएको बोर्डले बताएको छ । जसकारण हाल संचालित दाबी मूल्याङकन प्रक्रियाबाट रकम भुक्तानी गर्दा धेरै समय व्यतित भै दाबी फर्छौट प्रक्रियामा ढिलाई हुँदै आएको छ । जुन समस्या समाधान गर्नका लागि बोर्डले दाबी मूल्याङकनको लागिते तेश्रो पक्ष व्यवस्थापन प्रविधिलाई परिक्षण गरि लागू गर्ने भएको छ ।

दाबी प्रक्रिया र बीमा व्यवस्थापन सूचना प्रणालीको प्रभावकारी कार्यान्वयनका लागि सेवा प्रदायक संस्था, दर्ता अधिकारी र दाबी मूल्याङ्कन गर्ने जनशक्तिको क्षमता अभिवृद्धि गर्दै लगिने बोर्डले बताएको छ । जसका लागि विभिन्न तहका तालिम तथा अभिमुखिकरण गर्नका लागि आवश्यक पर्ने एकीकृत तालिम प्याकेज निमार्ण गरि लागू गरिने बोर्डको भनाइ छ ।

कार्यक्रममा नागरिकको आबद्धता र नवीकरणको दर वृद्धि ९नवीकरण नगर्ने दरलाई कम गर्ने० गर्नका लागि ड्रप आउट बढी भएको र आबद्धता कम भएका क्षेत्रमा जनचेतना अभिवृद्धि गर्ने कार्यक्रम संचालन गर्ने बोर्डको योजना छ । साथै, स्वास्थ्य बीमा सम्बन्धी विषयलाई विद्यालयस्तरको पाठ्यक्रममा समावेश गर्न पहल गर्ने भएको छ ।

यस कार्यक्रमलाई प्रभावकारी रूपमा संचालन गर्नका लागि प्रदेश तथा स्थानीय सरकारसँग समन्वय र सहकार्य गर्ने भएको छ । जसका लागि प्रदेश र स्थानीय बीम संयोजन समितिको समन्वयलाई थप प्रभावकारी बनाउने बोर्डको योजना छ ।

प्रेषण सम्बन्धी व्यवस्थालाई समयसापेक्ष सहज र सरल बनाईने छ । जसका लागि प्रेषण सम्बन्धीमा कार्यविधि तथा निर्देशिका तयार गरी लागू गरिने बोर्डले बताएको छ ।

हाल संचालनमा रहेको सुविधाथैलीलाई आवश्यकताका आधारमा सम्बन्धीत विषयविज्ञहरूको परामर्श बमोजिम परिमार्जन गरी लागू गरिने भएको छ । साथै, सुविधाथैली अद्यावधिक रूपमा कम्तिमा प्रत्येक २ वर्षमा परिमार्जन गर्ने पद्दतीको शरूवात गर्ने योजना बोर्डले बनाएको छ ।

यस कार्यक्रमलाई अझै प्रभावकारीरूपमा संचालन गर्न राष्ट्रिय परिचयपत्र तथा पञ्जिकरण विभागसँग समन्वय गरी स्मार्ट कार्ड प्रविधि अपनाई क्रमशलागु गर्दै लगिने नीति बोर्डले लिने भएको छ ।

साथै, कार्यक्रमको प्रभावकारी कार्यान्वयनका लागि सेवा प्रदायक स्वास्थ्य संस्था, प्रदेश समन्वय कार्यालय, जिल्ला सम्पर्क कार्यालय र दर्ता सहयोगीसम्म प्रयोग हुने गरी चेकलिष्ट र सूचक सहितको अनुगमन तथा मूल्याङ्क निर्देशिका तयार गरी कार्यान्वयनमा ल्याईने बोर्डले बताएको छ ।