थाइल्याण्डकी डलर अर्बपति सुन्दरी नुल्फान लामसाङ, किन बन्दैछिन दिनप्रतिदिन लोकप्रिय ?

एजेन्सी । पूर्वी एशियाली देश थाइल्याण्डमा धनीहरुको संख्या धेरै छ । पर्यटन, कृषि तथा अन्य औद्योगिक क्षेत्रमा थाइल्याण्डले गरेको प्रगति आफैमा लोभलाग्दो छ ।

राजनीतिकरुपमा भने थायल्याण्ड सधै विवाद र संकटको भूमरीमा फस्नु परेको छ । लोकतन्त्र थाइल्याण्डका लागि एउटा सपनाको कथा जस्तो छ । त्यहाँको सत्ता सेनाको हातमा छ ।

राजनीतिक अस्थिरता भएको भन्दै त्यहाँको राजतन्त्रको बलमा थाई सेनाले गरेको तख्तापलटले निकास पाएको छैन ।

निर्वाचनमार्फत् जनताको नासो जनतालाई नै फिर्ता गर्ने भनिए पनि हालसम्म कुनै पनि प्रक्रिया अगाडि बढाइएको छैन । सत्ता र शक्ति भन्ने कुरा पनि आफैंमा अर्को अचम्मको विषय बन्दो रहेछ ।

सोही कारण पनि मानिसहरुले सहजै ठाने जस्तो परिवर्तन सहजै भइहाल्दो रहेनछ । थाइल्याण्डको राजनीतिमा पनि यही कुराले घर गरेको छ ।

व्यवसायमा राजनीतिले खासै प्रभाव पारेको जस्तो देखिदैन । फोब्र्सको विवरण अनुसार थाइल्याण्डका मात्रै ५० जना डलर अर्बपति छन् ।

थाइल्याण्डको शीर्ष १ नम्बरमा रहेका चेराभानोन्ट बद्रर्सको कूल ३०.२ बिलियन डलर बराबरको सम्पत्ति रहेको छ । उनी खाद्य पदार्थको व्यवसायमा संलग्न छन् । यस्तै ५०औं नम्बरमा रहेका जारेपोर्न जररुकोर्नसकूलको ७३७ मिलियन डलर बराबरको सम्पत्ति छ । उनको लजिस्टिकको कारोबार छ ।

तीमध्येकै एक हुन् लामासाङ परिवार । वान्थून लामासाङ र उनको परिवारको सम्पत्तिको आधारमा हेर्दा उनी थाइल्याण्डको धनीमध्येका एक हुन् । फोब्र्सका अनुसार उनको कूल सम्पत्ति ११७ बिलियन डलर बराबर छ ।

के बैंक थाइल्याण्डको दोस्रो ठूलो बैंक हो । आमरुपमा के बैंक भनेर चिनिएपनि सो बैंकको नाम कासिकोर्न बैंकको रुपमा छ । सो बैंकको स्थापना उनका हजुरबा छोटी लामासाङले १९४५ मा स्थापना गरेका थिए । बान्थूनले हावर्डबाट एमबीए गरेका छन् । उनका पिताले पनि सोही बैंकमा काम गरे ।

यस आलेखमा वान्थूनको पाँचौं पुस्ताकी एक सुन्दरी व्यवसायीको बारेमा जानकारी दिने प्रयास गरिएको छ । जसले थाइल्याण्डका धेरैलाई आकर्षित गरेको छ ।

थाई अर्बपतिको सूचीमा रहेकी नुल्फान लामसाङ बेलायती राजकुमार प्रिन्स ह्यारीसँग पनि काँध मिलाउन सक्छिन् भने देशभित्र पनि धेरैको मुटु ढड्काइदिन सक्छिन् ।

थाई डलर अर्बपति नुल्फान लामसाङको बारेमा जान्दा व्यवसायमा युवाको सहभागिता बढाउनुपर्छ भन्ने हौसला समेत बढ्न सक्छ ।

आउडी सवारी साधनको विशेष शो रुम समेत उनले थाइल्याण्डमा चलाएकी छिन् । म्याडम लामसाङलाई प्रिन्स ह्यारीसँग पनि भेटिएको छ । आउडीको बैंकक शोरूममा लाखौं खर्च गरिएको छ । यस्तै देशको एकमात्र हर्मेसको वितरक पनि हो ।

‘म्याडम प्याङ’ को नामले चिनिने लामासाङले हालै मात्र २०२३ फिफा महिला विश्वकपको फाइनलमा पुग्ने थाइल्याण्डको महिला फुटबल टोलीलाई प्रोत्साहन गर्न ६१ हजार अमेरिकी डलर बराबरको पुरस्कार दिने घोषणा गर्दा विश्वव्यापी रुपमा नै समाचारको हेडलाइन समेत बन्न सफल भइन् ।

गत वर्ष, उनले आफ्नो पोर्ट फुटबल क्लबका कर्मचारी र खेलाडीलाई रोलेक्स घडी, आईफोन १३ एस र डिजाइनका झोला उपहार दिएर पुरस्कृत गरिन् । र आफूलाई एक पागल धनीको रुपमा पनि चिनाइन् ।

लामसाङ परिवारको पाँचौं पुस्ताका सन्तान, नुल्फान लामसाङ धेरै थाईहरूलाई मुआङ थाई इन्स्योरेन्सको सीइओको रूपमा नै चिन्छन् । यद्यपि, उनले थाइल्याण्ड महिला राष्ट्रिय फुटबल टोलीको नेतृत्व गर्दा विश्वको ध्यान पनि खिचेकी थिइन् ।

उनले चाबा काउ नामक फुटवल क्लबको व्यवस्थापन पनि गरिन । जसलाई थाई महिला राष्ट्रिय फुटबल टोलीको रुपमा पनि चिनिन्छ । सन् २०१५ र २०१९ को फिफा महिला विश्वकप फाइनलमा महाप्रबन्धकको रूपमा र हाल पुरुष फुटबल टोलीको प्रबन्धकको रुपमा उनले काम गरेकी छिन् ।

उनको धनी जीवन र फुटबलका लागि देखाएको सदाशयताले म्याडम पाङलाई थप सुन्दरी बनाएको छ । जसरी उनी मायालु युवतीका रुपमा देखिन्छिन् त्यत्तिकै उदार हृदयकी पनि छिन् भन्ने देखाएको छ ।

सोही कारण गत वर्ष उनले आफ्नो पोर्ट फुटबल क्लबका खेलाडी र कर्मचारीलाई रोलेक्स घडी, आइफोन १३ एस र अत्याधुनिक डिजाइनको झोलाले पुरष्कृत गर्दा उनको नाम र शान दुबै बढेको थियो ।

बैंकक पोष्टले जनाएअनुसार, सन् २०२३ फिफा महिला विश्वकपको फाइनलमा पुग्न थाइल्यान्डको महिला फुटबल टोलीलाई २० लाख भाट प्रोत्साहन दिने प्रस्ताव सार्वजनिक गरेकी छिन् । त्यो भनेको ६० हजार ६०० अमेरिकी डलर बराबर हुन्छ ।

प्रिय थाई डलर अर्बपति म्याडम पाङका बारेमा जान्नका लागि उनको परिवारको बारेमा पनि जान्नु उपयुक्त हुन्छ ।

थाइल्याण्डको सबैभन्दा धनी परिवारमध्येको एक, लामसाङ मुख्य रूपमा कासिकोर्न बैंकका संस्थापकहरूका रूपमा चिनिन्छन् । यो थाइल्याण्डको ठूलो बैंक, लगभग ११७ बिलियन डलर बराबरको छ ।

बैंकक पोष्टका अनुसार उनको भतिजा, अध्यक्ष इमेरेटस, बान्थुन लामसाङ , बैंककको उत्तरमा ५६० किलोमिटर (३५० माइल) जङ्गलमा स्वीस च्यालेट शैलीको घरको मालिक छन् । उनी वन संरक्षणका पक्षधर हुन् ।

लाओस सीमाना नजिक ३.६ हेक्टर मा फैलिएको रिसोर्ट सागौनको काठले बनेको छ । जुन चिनियाँ मान्यताको फेंग शुई अनुसार बनाइएको छ ।

यसैबीच, म्याडम पाङको आफ्नै निवास पनि कम दर्शनीय छैन । इन्स्टाग्राममा देखिए अनुसार उनका ७ लाख फलोअरहरू छन् । उनको विलासी घरममा परम्परागत गहनादेखि एक अत्याधुनिक कलाकोे समिश्रण पनि देखिन्छ । उनी धेरैजसो त्यहाँ आफ्नो परिवार र साथीहरूलाई होस्ट गरेको देखिन्छ ।

थाइल्यान्डको राष्ट्रिय फुटबल टोलीको ठूलो समर्थक र मुख्य हितकर्ता भए पनि उनी खेल खेल्नुको सट्टा हरेक दिन ४० मिनेट ट्रेडमिलमा हिड्न रुचाउँछिन् ।

‘म त्यति धेरै खेल खेल्दिन, र पक्कै पनि फुटबल त हुँदै होइन,’ उनले भनेकी छन् ।

बैंकक पोष्टसँगको अन्तर्वार्तामा उनले मदिराबाट टाढा रहेको र प्रशस्त पानी पिउनु नै उनको युवावस्थाको मुख्य रहस्य रहेको बताइन् ।

म्याडम पाङले आफ्नी एकमात्र छोरी नुआनवान फन्चेत पनि उस्तै स्वभावकी छिन् । नुआनवानले भर्खरै चुलालोङकोर्न विश्वविद्यालयबाट स्नातक गरिन् । उनले मनोविज्ञानमा अध्ययन गरेकी ह्न् । उनी हाल द युनिभर्सिटी अफ क्वीन्सल्याण्डमा भर्ना भएकी छिन् ।

आमा–छोरीको जोडीले पनि एउटै स्वाद साझा गरेका छन् । विश्वभर जेट सेटिङ, उच्च फेसन ब्रान्डहरू र फुटबल, पक्कै पनि त्यसमा जोडिएर आउँछ ।

उनको इन्स्टाग्राम पृष्ठबाट देखिए जस्तै, नुआनवानले अन्य खेलहरू जस्तै भलिबल र पौडीका साथै शानदार डिम समको स्वाद लिएर रमाइलो गर्छिन् । जुन देखाउँदै उनी पनि आफ्नी आमाजस्तै खानाको शौखिन पनि हुन् । ।

लामसाङले आउडीको शोरुममा १२ मिलियन अमेरिकी डलर खर्च भएको बताइएको छ ।

कम्पनीको बहुमत सेयर क्रिसाडा लामसाङको स्वामित्वमा छ, जो मुआङ थाई लाइफ इन्स्योरेन्सको बोर्ड अफ डाइरेक्टरको रूपमा पनि काम गर्छन ।

बैंकक पोष्टका अनुसार लामसाङले आफ्नो प्रमुख बैंकक शोरुम र सेवा केन्द्र निर्माण गर्न करिब ४ करोड भाट खर्च गरेको छ ।
यो कुनै अचम्मको कुरा होइन किनभने उनीसँग धेरै प्रभावशाली साथीहरू छन् । सन् २०१८ मा उनी बेलायती शाही राजकुमार ह्यारीसँग लन्डनमा च्यारिटी पोलो खेलमा खिचाइएको तस्बिर पनि भाइरल बनेको थियो ।

एउटै कार्यक्रममा, उनी थाई राजकुमारसँग पनि देखिएकी थिइन् । दुबैले चम्किलो रङका पहिरन लगाएका थिए ।

देशको सबैभन्दा प्रसिद्ध समाजवादीमध्ये एकको रूपमा, उनले थाई अभिनेत्री ओम पाचरापा, ताक्साओर्न पाकसुकचारेन र एनी थोन्गप्रसोम जस्ता सेलिब्रेटीसँग पनि आफूलाई दाजेकी छिन् ।

किनकी धन र मनको कुरा फरक हो । तर उनमा यी दुबै छ । जसले व्यवसायसँगै अन्य गतिविधिलाई पनि सँगै लैजान सकिन्छ भन्ने देखाएको छ ।