सूर्या लाइफ इन्स्योरेन्सको खुद बीमाशुल्क एक अर्ब ११ करोड

काठमाडौँ । सूर्या लाइफ इन्स्योरेन्सले चालु आर्थिक वर्षको पहिलो त्रैमासमा एक अर्ब ११ करोड ६४ लाख रुपैयाँ खुद बीमाशुल्क आर्जन गरेको छ । जुन गत आर्थिक वर्षको समीक्षा अवधिको तुलनामा ३३.४१ प्रतिशतले बढी हो ।

गत आर्थिक वर्षको यहि अवधिमा कम्पनीले ८३ करोड ६८ लाख रुपैयाँ खुद बीमाशुल्क आर्जन गरेको थियो ।

कम्पनीको खुद नाफा समेत सुधार आएको छ । कम्पनीको खुद नाफा ११.८० प्रतिशतले बढेर ११ करोड ३५ लाख रुपैयाँ पुगेको छ ।

गत आर्थिक वर्षको असोज मसान्तसम्ममा कम्पनीले १० करोड १६ लाख रुपैयाँ खुद नाफा कमाएको थियो ।

चुक्ता पूँजी २ अर्ब २६ करोड रुपैयाँ रहेको कम्पनीको प्रतिसेयर आम्दानी १३९ रुपैयाँ २६ पैसा छ ।

कम्पनीको जगेडा कोषमा ९७ करोड ७३ लाख रुपैयाँ, जीवन बीमा कोषमा ११ अर्ब ५१ करोड रुपैयाँ र महाविपत्ती कोषमा १६ करोड ३४ लाख रुपैयाँ रहेको छ ।

कम्पनीले यस अवधिमा लगानी, कर्जा तथा अन्य आयबाट २२ करोड ९३ लाख रुपैयाँ र बीमालेखको धितोमा कर्जाबाट ३ करोड ८ लाख रुपैयाँ आम्दानी गरेको छ ।

असोज मसान्तसम्म कम्पनीले अभिकर्ता कमिशनवापत १३ करोड ५६ लाख रुपैयाँ, सेवा शुल्क शीर्षकमा एक करोड ११ लाख रुपैयाँ खर्चेको छ ।

कम्पनीले यस अवधिसम्ममा एक हजार ९१३ वटा बीमा दावीवापत १९ करोड ३१ लाख रुपैयाँ कुल दावी भुक्तानी गरेको छ ।

१ सय ३५ वटा बीमा दावी वापत कम्पनीले ५ करोड ५१ लख रुपैयाँ भुक्तान्ी गर्न बाँकी छ ।