कृषि विकास बैंकको सञ्चालक सदस्यमा रमेशकुमार केसी नियुक्त

काठमाडौं । कृषि विकास बैंकको सञ्चालक समितिको सदस्यमा रमेशकुमार केसी नियुक्त भएका छन् । नेपाल सरकार मन्त्रिस्तरीय निर्णयानुसार बैंकको सञ्चालक समितिको सदस्यमा केसी नियुक्त भएका हुन् ।

सरकारी सेवामा लामो अनुभव हुनुका साथै हाल अर्थमन्त्रालय अन्तर्गत वित्तीय क्षेत्र व्यवस्थापन तथा संस्थान समन्वय महाशाखाको प्रमुख पदमा कार्यरत केसीलाई सदस्यमा नियुक्त गरिएको हो ।

बैंक तथा वित्तीय संस्था सम्बन्धी ऐनअनुसार नवनियूक्त सञ्चालक सदस्य केसीलाई बैंक सञ्चालक समितिका अध्यक्ष लक्ष्मीप्रपन्न निरौलाले सपथ ग्रहण गराए ।