सेयर बजारमा बीमा कम्पनीहरुको १४ अर्ब बढी लगानी, कुन कम्पनीको कति ?
काठमाडौं । बीमा कम्पनीहरुले सेयर बजारमा करिब साढे १४ अर्ब लगानी गरेका छन् । गत आर्थिक वर्षमा जीवन र निर्जीवन बीमा कम्पनीहरुले सुचीकृत पब्लिक कम्पनीहरुको साधारण सेयरमा १४ अर्ब ४४ करोड ६८ लाख रुपैयाँ बढी लगानी गरेका हुन् ।
बीमा समितिले बीमकको लगानी निर्देशिका २०७५’ जारी गर्दै तोकिदिएको दायरामा रहेर कृषि, पर्यटन, जलस्रोत, घरजग्गा, पूर्वाधार, नागरिक लगानी कोष तथा म्यूचुअल फण्डमा पनि लगानी गर्न पाउने सुविधा दिएको छ । जसअनुसार बीमा कम्पनीहरुले सुचीकृत पब्लिक कम्पनीहरुको साधारण सेयरमा कुल टेक्निकल रिर्जभको २० प्रतिशतसम्म लगानी गर्न पाउँछन् ।
सोही दायरामा रहेर बीमा कम्पनीहरुले गत आवमा पब्लिक कम्पनीहरुको साधारण सेयरमा दोस्रो बजारमार्फत् लगानी गरेका हुन् ।
गत आवमा बीमा कम्पनीहरुले कुल ४ खर्ब ६ अर्ब ७६ करोड ९९ लाख रुपैयाँ लगानी गरेका थिए । जसको ३.४८ प्रतिशत लगानीको हिस्सा सुचिकृत पब्लिक कम्पनीहरुको साधारण सेयरमा बीमा कम्पनीहरुले लगानी गरेका छन् ।
हाल पुनर्बीमा कम्पनीसहित १९ जीवन र २० वटा निर्जीवन गरी ४० वटा बीमा कम्पनीहरुले बीमा व्यवसाय गरिरहेका छन् । बीमा समितिद्वारा प्राप्त तथ्यांकअनुसार सो अवधिमा निर्जीवन बीमा कम्पनीहरुले गत आवको असार मसान्तसम्म २ अर्ब ५० करोड ९९ लाख रुपैयाँ सेयर बजारमा लगानी गरेका छन् । सो अवधिमा जीवन बीमा कम्पनीहरुले भने ११ अर्ब ९३ करोड ६८ लाख रुपैयाँ सेयर बजारमार्फत् सुचीकृत पब्लिक कम्पनीको साधारण सेयरमा लगानी गरका छन् ।
समितिद्वारा प्राप्त तथ्यांकमा मेट लाइफ, एभरेष्ट इन्स्योरेन्स, नेशनल इन्स्योरेन्स र दि ओरिएण्टल इन्स्योरेन्सको विवरण समावेश गरिएको छैन ।
जीवन बीमा कम्पनीहरुको सेयरमा लगानी, कुन को कति ?
सञ्चालनमा रहेका १९ बीमा कम्पनीहरुमध्ये गत आवमा सबैभन्दा बढी सेयर बजारमा लगानी नेपाल लाइफले र सबैभन्दा थोरै प्राइम लाइफले गरेका छन् । सो अवधिमा नेपाल लाईफले ३ अर्ब ४२ करोड ५१ लाख रुपैयाँ सेयर बजारमा लगानी गर्दा प्राइम लाइफले ९ लाख १५ हजार रुपैयाँमात्र सेयर बजारमा लगानी गरेको छ ।
सेयर बजारमा गत बर्ष सबैभन्दा बढी लगानी गर्ने सुचीको दोस्रो नम्बरमा लाइफ इन्स्योरेन्स कर्पोरेशन कम्पनी र तेस्रो नम्बरमा एशियन लाइफ रहेको छन् । लाइफ इन्स्योरेन्स कर्पोरेशनले गत आवमा २ अर्ब ६६ करोड ७० लाख रुपैयाँ र एशियन लाइफले १ अर्ब ५८ करोड ७० लाख रुपैयाँ सेयर बजारमा लगानी गरेका हुन् ।
यस बाहेकका अन्य कम्पनीहरुमा ३ वटा कम्पनीले १ अर्ब रुपैयाँदेखि २ अर्ब रुपैयाँसम्म, ६ वटा कम्पनीले १० करोड रुपैयाँमाथि ३५ करोड रुपैयाँसम्म, ५ वटा कम्पनीले १ करोडदेखि ९ करोड रुपैयाँसम्म र २ वटाले १ करोड रुपैयाँभन्दा कम सेयर बजारमा लगानी गरेका छन् ।
| बीमकको नाम | सुचीकृत पब्लिक लि.कम्पनीको | |
| कुल लगानी रकम | ||
| मेट लाइफ | – | 22,593,516 |
| नेपाल लाइफ | 3425151 | 92,245,374 |
| लाइफ इन्स्योरेन्स कर्पोरेशन | 2667016 | 64,897,075 |
| एशियन लाइफ | 1587097 | 24,600,173 |
| नेशनल लाइफ | 1378137 | 39,536,433 |
| राष्टि«य बीमा संस्थान | 1139070 | 31,589,314 |
| प्रभु लाइफ | 331206 | 3,897,617 |
| सूर्या लाइफ | 330883 | 10,970,681 |
| गूरांस लाइफ | 306946 | 11,101,963 |
| यूनियन लाइफ | 283009 | 7,819,822 |
| सन नेपाल लाइफ | 115896 | 3,667,985 |
| आइएमई लाइफ | 112872 | 3,876,797 |
| रिलायबल नेपाल लाइफ | 84569 | 5,103,212 |
| सिटिजन लाइफ | 77524 | 5,702,068 |
| ज्योती लाइफ | 48592 | 5,809,198 |
| सानिमा लाइफ | 20642 | 3,360,735 |
| रिलायन्स लाइफ | 17590 | 4,205,690 |
| महालक्ष्मी लाइफ | 9753 | 2,382,095 |
| प्राइम लाइफ | 915 | 15,975 |
| 11936868 | 343,375,723 | |
| प्रतिशतमा | 3 | 100.00 |
कुन निर्जीवन बीमा कम्पनीको सेयरमा कति लगानी ?
गत आवमा निर्जीवन बीमा कम्पनीहरुले ११ लाख रुपैयाँदेखि ८६ करोड रुपैयाँसम्म सेयर बजारमा लगानी गरेका छन् । जसमा सबैभन्दा बढी राष्ट्रिय बीमा कम्पनीले र सबैभन्दा थोरै सानिमा जनरल इन्स्योरेन्सले गरेको हो ।
गत आवको असार मसान्तसम्म सबैभन्दा बढी राष्ट्रिय बीमा कम्पनीले ८५ करोड ९५ लाख रुपैयाँ, दोस्रोमा शिखर इन्स्योरेन्सले ३७ करोड १९ लाख रुपैयाँ र तेस्रोमा प्रभु इन्स्योरेन्सले २६ करोड ६४ लाख रुपैयाँ सेयर बजारमा लगानी गरेका छन् ।
यसबाहेक ४ वटा कम्पनीले १० करोड रुपैयाँभन्दा बढी १६ करोड रुपैयाँसम्म, १० वटाले २ करोड रुपैयाँदेखि १० करोड रुपैयाँसम्म र सानिमा जनरलले ११ लाख ९५ हजार रुपैयाँमात्र सेयर बजारमा लगानी गरेको छ ।
| बीमकको नाम | सुचीकृत पब्लिक .कम्पनीकोसाधारणा शेयर | कुल लगानी |
| नेपाल इन्स्योरेन्स | 107,726 | 2,394,011 |
| दि ओरिएण्टल इन्स्योरेन्स | – | 2,539,912 |
| राष्टि«य बीमा कम्पनी | 859,524 | 5,569,427 |
| नेशनल इन्स्योरेन्स | – | 2,110,828 |
| हिमालयन जनरल इन्स्योरेन्स | 28,882 | 1,843,173 |
| यूनाईटेड इन्स्योरेन्स | 48,209 | 1,743,997 |
| प्रिमियर इन्स्योरेन्स. | 151,278 | 2,820,861 |
| एभरेष्ट इन्स्योरेन्स | – | 1,511,794 |
| नेको इन्स्योरेन्स | 92,781 | 3,705,565 |
| सगरमाथा इन्स्योरेन्स | 135,032 | 2,942,546 |
| प्रभू इन्स्योरेन्स | 266,426 | 1,262,764 |
| आइएमई जनरल इन्स्योरेन्स | 49,787 | 1,463,287 |
| प्रूडेन्सियल इन्स्योरेन्स | 107,871 | 1,592,597 |
| शिखर इन्स्योरेन्स | 371,916 | 3,385,184 |
| लूम्विनी जनरल इन्स्योरेन्स | 24,667 | 2,075,559 |
| एन.एल.जी. इन्स्योरेन्स | 85,184 | 2,497,692 |
| सिद्धार्थ इन्स्योरेन्स | 42,587 | 3,020,401 |
| सानिमा जनरल इन्स्योरेन्स | 1,195 | 1,301,673 |
| जनरल इन्स्योरेन्स इन्स्योरेन्स | 21,865 | 1,214,730 |
| अजोड इस्योरेन्स इन्स्योरेन्स | 20,324 | 1,434,141 |
| नेपाल पुनर्बीमा | 94,718 | 16,964,106 |
| जम्मा | 2,509,972 | 63,394,248 |
| प्रतिशतमा | 3.96 | 100.00 |
क्लिकमान्डु
