एलजीको ‘हार्दिक बधाई तपाईलाई यस नयाँ वर्ष विशेष सबैलाई’ अभियान’ जारी

काठमाडौं । नेपालको सबै भन्दा धेरै विक्री हुने ब्रान्ड एलजीले नयाँ वर्ष २०७८ लाई लक्षित गर्दै आफ्नो नयाँ अभियान, ‘हार्दिक बधाई तपाईलाई यस नयाँ वर्ष विशेष सबैलाई’ जारी गरेको छ । यस योजना अन्तर्गत एलजीको लागि नेपालको अधिकृत वितरक सिजी इलेक्ट्रोनिक्स्ले एलजीका घरायसी सामानहरुको खरिदमा विशेष नगद छुट तथा पक्का उपहारहरु प्रदान गरेको छ ।

कम्पनीले नर्मल र स्मार्ट एलइडी टिभी, एयर प्युरिफायर, भ्याकुम क्लीनर तथा सिंगल डोर रेफ्रिजेरेटरकोे खरिदमा ग्राहकहरूले आकर्षक नगद छुट प्राप्त गर्न सक्ने जनाएको छ । यस अफरमा ग्राहकहरुले साइड बाइ साइड डोर रेफ्रिजेरेटरकोे खरिदमा १४ हजार ४ सय ९० रुपैयाँ मूल्यको फ्रीमाइक्रोवेभ ओभन र डबल डोर रेफ्रिजेरेटरकोे खरिदमा २४ सय ५० रुपैयाँ मूल्यको फ्री स्ट्यान्ड फ्यान प्राप्त गर्न सक्नेछन् ।

त्यस्तै, ग्राहकहरुले माइक्रोवेभ ओभनको खरिदमा २८ सय मूल्यको फ्री खाना पकाउने किट, डिस वासर र वासिङ मशिन फ्रन्ट लोड (९ केजी माथि)को खरिदमा ५ हजार २ सय ३० मूल्यको फ्री भेजीटेबल प्युरिफायर, वासिङ मशिन फ्रन्ट लोड (८ केजी सम्म) को खरिदमा २६ सय ५० रुपैयाँ मूल्यको फ्री इलेक्ट्रीक केटल र वासिङ मेशिन टप लोडको खरिदमा १ हजार २० रुपैयाँ मूल्यको फ्री ड्राइ आयन प्राप्त गर्न सक्नेछन् । साथै हरेक एयर कन्डिस्नरको खरिदमा ग्राहकहरूले ४ हजार मूल्यको फ्रीजडान सेवा प्राप्त गर्न सक्नेछन् ।

यो योजना नेपालभर चैत्र ११ गते देखि सिमित अवधिको लागि लागू गरिएको कम्पनीले जनाएको छ ।