भारतीय रेलमन्त्रीले भने- छिट्टै रक्सोल-काठमाडौँ रेलमार्ग निर्माण शुरु हुन्छ
काठमाडौं । जनकपुर जयनगर रेलमार्ग सञ्चालनमा आउने तयारी रहेको बेला भारतका रेलमन्त्री पियूस गोयलले निकट भविस्यमा नै रक्सोल– काठमाडौं रेलमार्ग निर्माणको काम छिट्टै शुरु हुने बताएका छन् ।
प्रधानमन्त्री केपी शर्मा ओलीले २ वर्ष पहिले भारत भ्रमणको क्रममा रक्सोल– काठमाडौं रेलमार्ग निर्माणको विषयमा सहमति गरेका थिए ।
भारतीय रेल्वेका तर्फबाट सो रेलमार्ग निर्माणका लागि विस्तृत परियोजना प्रतिवेदन (डिपिआर) तयारीको काम शुरु गर्न नेपाल सरकारसँग सहमति मागेका छन् ।
कोरोना कारण डिपिआर निर्माणको काम शुरु हुन सकेको छैन । रेल विभागले आवश्यक प्रक्रियाका लागि भौतिक पूर्वाधार तथा यातायात मन्त्रालय हुँदै आवश्यक प्रस्ताव तयार पारी सिसिएमसीमा पेश गरिसकेको छ ।
भारतीय रेलमन्त्री गोयलले शुक्रबार आफ्नो ट्वीटर मार्फत रक्सोल– काठमाडौं रेलमार्गको काम छिट्टै शुरु हुने बताएका छन् ।
पछिल्लो दिनमा भारत सरकारले विहारलाई केन्द्रित गरेर नयाँ रेलमार्ग निर्माण तथा विस्तार गरिरहेको छ । सोही क्रममा आज गोयलले जनकपुर जयनगर रेलमार्ग मात्रै नभई काठमाडौंसम्म रेलमार्ग जोडिन लागेको जनाएका हुन् ।
उनले भारतीय रेल्वे अन्तर्राष्ट्रियकरण हुन लागेको र त्यसले आपसी समन्ध विस्तारमा समेत सहयोग पुग्ने बताएका छन् ।
भारतले १२ हजर हर्स पावरको इलेक्ट्रिक इन्जिन समेत बनाएको छ । त्यसका लागि २४ हजार करोड बराबरको लगानी समेत भएको छ ।
भारत सरकाारले ३ हजार ३१८ किलोमिटर रेलमार्ग निर्माण गरिरहेको छ । सो रेलमार्गको काम झण्डै ९० प्रतिशत पूरा भएको छ । भारत सरकारले पछिल्लो ६ वर्षमा मात्रै ९ हजार करोड भारतीय रुपैयाँ लगानी गरेको छ ।
यस्तै रेलमा नेपालको कला संस्कृतिसँग जोडिएको मिथिला पेन्टिङ समेत गरिएको रेलमन्त्री गोयलको ट्वीटमा उल्लेख छ ।
पिछले 6 वर्षों में PM @NarendraModi जी के मार्गदर्शन में रेलवे ने बिहार में कई बड़ी उपलब्धियां हासिल की हैं।
इन्फ्रास्ट्रक्चर विकास, लोको फैक्ट्री, विद्युतीकरण, आधुनिकीकरण, नई रेल लाइन, फ्रेट कॉरिडोर कनैक्टिविटी जैसे अनेकों कार्यों से रेलवे #BiharKaPragatiPath निर्माण कर रही है। pic.twitter.com/iyQsaV77uE
— Piyush Goyal (@PiyushGoyal) September 18, 2020