प्रचण्डको घरबेटीसँगको मलको ठेक्का तोडियो, कालोसूचिमा राख्ने तयारी

काठमाडौं । कृषि सामग्री कम्पनी लिमिटेडले मलको ठेक्का लिएर समयमै उपलब्ध नगराएको भन्दै प्रचण्डका घरबेटी सारदा प्रसाद अधिकारीसँगको ठेक्का तोडेको छ ।

कम्पनीले अधिकारीको शैलुङ कन्स्ट्रक्सन र नेपाली काँग्रेस नेता होमनाथ अधिकारीको होबिको मल्टिपल कम्पनीसँगको ठेक्का तोडेको जानकारी गराएको छ ।

कम्पनीले ठेक्का तोडेसँगै उनीहरुले धरौटी बापत राखेको पाँच/पाँच करोड रुपैयाँ समेत जफत हुने भएको छ ।

उनीहरुले सम्झौता बमोजीम मल ल्याउन नसकेपछि सम्झौता खारेज गर्दै कालोसूचिमा राख्ने तयारी गरेको छ ।

कालोसूचिमा राख्न सार्वजनिक खरिद अनुगमन कार्यालयलाई सिफारिस गरिएको बताइएको छ ।