लकडाउन खुलेसँगै ऋण उठाउन एनआईसी एशिया आक्रामक, धितोको लिलामी प्रक्रिया अघि बढायो

काठमाडौं । लकडाउन खुलेसँगै ऋण उठाउनको लागि एनआईसी एशिया बैंक आक्रामक देखिएको छ ।

बैंकले लकडाउनको बेला नै धितो लिलामको सूचना निकालेको थियो । राष्ट्र बैंकले लकडाउनको बेला धितो लिलामीको सूचना निकाल्न रोक लगाएपछि एनआईसी एशिया ब्याक भएको थियो । त्यसपछि बैंकहरुले लिलामीको सूचना निकाल्न छाडेका थिए ।

मंगलबार एनआईसी एशिया बैंकले ऋण नतिर्ने ऋणीको धितो बिक्रीको सूचना जारी गरेको छ । ऋणीले ऋण नतिरेर बैंकले गैर बैंकिङ सम्पत्तिको रुपमा राखेको सम्पत्ति समेत बिक्री गर्नको लागि सूचना जारी गरेको छ ।

लकडाउन खुलेसँगै चैत ११ अगाडि नै खराब भइसकेका ऋणीको ऋण असुली प्रक्रिया अगाडि बढाउन अन्य बैंक तथा वित्तीय संस्थाले समेत प्रक्रिया अगाडि बढाउन थालेका छन् ।

राष्ट्र बैंकले कोरोना भाइरसको कारण प्रभावित व्यवसायको लागि भने सहुलियत दिएको छ ।