राैतहटका २ जना युवामा कोरोना संक्रमण पुष्टि

काठमाडाैं । भारतबाट नेपाल आएका २ युवामा काेरोना भाइरसको संक्रमण पुष्टि भएको छ । राैतहटका २ युवाको नमूना राष्ट्रिय जनस्वास्थ्य प्रयोगशाला टेकुमा गरिएको परीक्षणमा पोजेटिभ देखिएको हो ।

उनीहरू मध्ये एकजना बृन्दावन नगरपालिकाका २४ वर्षे युवक हुन् । उनी गत चैत २२ गते कलकत्ताबाट आएका थिए। अर्का युवक देवाही गोनाही नगरपालिका-१ निवासी ३५ वर्षे पुरुष हुन् । उनी पनि वैशाख ४ गते दिल्लीबाट आएका थिए।

हालसम्म नेपालमा कोरोना भाइरसबाट संक्रमित हुनेको संख्या ५४ पुगेको छ । जसमध्ये १६ जना उपचारपछि निको भएका छन् ।