कोरोना भाइरसबारे १० वर्षिय बालकले बनाए यस्तो चित्र,बालबालिकालाई सिर्जनात्मक बनाऔं



काठमाडौं । कोरोना भाइरसको संक्रमणले विश्वभर आतंक मच्चाएको छ । विश्वका २ सय देशमा कोरोनाका संक्रमण देखिएको छ । कयौं देशहरुले लक डाउन गसेका छन् ।

यो सन्त्रासले मानव जगतलाई नै आश्चर्यचकित बनाएको छ । यस्तो बेलामा कलिला बालबालिकाहरु के सोच्छन् ? तपाईंले आफ्ना बालबच्चालाई जसरी स्कुलिंग गर्नुहुन्छ, उनीहरुको मानसपटलमा त्यही कुरा खेल्छ ।

बालबालिकालाई यस्तो अवस्थामा त्रास देखाउने भन्दा पनि सकरात्मक कुराहरु सिकाउने हो भने कलिलो मानसपटलमा सकरात्मक सोचको विकास हुन्छ । त्यसैले बालबालिकालाई कोरोनाको भयावय अवस्थाभन्दा केही पर राखेर सिर्जनात्मक क्रियाकलापमा व्यस्त गराउनुहोस् ।

सिर्जनात्मक क्रियाकलापमा व्यवस्त गराउन सके बालबालिकामा कोरोनाको आतंक कम हुने बाल मनोविज्ञहरुले बताउने गरेका छन् । अभिभावकले इन्करेज गर्ने हो भने बालबालिका सिर्जनात्मक हुन्छन् भन्ने एउटा दृष्टान्त हामी हप्रस्तुत गर्दैछौं ।

धुम्बाराही निवासी १० वर्षिय आख्यान जनार्दन पुडासैनीले लक डाउनको सदुपयोग गर्दै कोरोना भाइरसका कारण पृथ्वीले नै मास्क लगाएको चित्र बनाएका छन् ।

उनका बाबु नीरव पुडासैनीले सिर्जनात्मक काममा लाग्न प्रेरित गरेका कारण उनीहरुले लक डाउनमा कोरोना बारे यस्तो चित्र बनाएर आफूलाई सिर्जनात्मक मात्रै बनाएनन् समय पनि व्यतित गरे ।

‘बालबालिकालाई सिर्जनात्मक बनाउन सकियो भने त्यसले उनीहरुमो मस्तिस्कमा सकरात्मक सोच प्रवाह हुने रहेछ,’ नीरव भन्छन्, ‘१० वर्षका बालकले यस्तो क्रिएटिभ चित्र कोर्न सक्नु पनि आफैंमा गौरवको कुरा हो ।’


पुष्प दुलाल