आजदेखि सेयर कारोबार ५ घन्टा हुने

काठमाडौं । सेयर बजारमा आज (आइतबार)देखि दैनिक ५ घन्टा सेयर कारोबार हुने भएको छ ।

नेप्सेले सूचना जारी गर्दै ११ बजेदेखि ४ बजेसम्म कारोबार हुने जनाएको छ । नेप्सेको सूचना अनुसार आइतबारदेखि बिहीबारसम्म कार्यालय खुलेको दिनमा बिहान १०ः३० देखि ११ बजेसम्म कारोबारको प्रारम्भिक समय हुने, बोलकबोल र निरन्तर कारोबार समय ११ देखि ४ बजेसम्म र अन्तिम कारोबार ४ बजेदेखि ४ः०५ बजेसम्म हुने छ ।

धितोपत्र बोर्डले नेप्सेलाई कारोबार समय १ घन्टा थप्न दिएको निर्देशन अनुसार नै नेप्सेले पनि अर्को सूचना नभएसम्मको लागि यो व्यवस्था लागु हुने जानकारी गराएको छ ।