४० प्रतिशतले नाफा बढेको सूर्या लाइफको सेयरमूल्य अब के हुन्छ ? (प्राविधिक विश्लेषण)

सूर्या लाइफ इन्स्योरेन्स कम्पनीले चालु आर्थिक वर्षको दोस्रो त्रैमाससम्ममा खुद मुनाफा ४० प्रतिशतले वृद्धि गरी १५ करोड १९ लाख रुपैंया कमाएको छ । गत आवको सोही अवधिमा १० करोड ८२ लाख रुपैयाँ कमाएको थियो । सूर्या लाइफको आम्दानीभन्दा खर्च कम भएपछि नाफा बढेको हो ।

एकीकृत आय व्यय हिसाब खाताको ३२.४५ प्रतिशतले आय २ अर्ब ६ करोड रुपैयाँ आर्जन गर्दा खर्च पनि ३०.२८ प्रतिशतले नै बढेर ९५ करोड ८२ लाख रुपैयाँ पुगेको छ । कम्पनीले १ अर्ब २८ करोड ६६ लाख रुपैयाँ खुद बीमा शुल्क आर्जन गरेको छ ।

यो गत आर्थिक वर्षको यही अवधिको तुलनामा ३४.९७ प्रतिशत अर्थात् ३३ करोड ३३ लाख रुपैयाँले बढी हो । गत आर्थिक वर्षको दोस्रो त्रैमाससम्ममा इन्स्योरेन्सले ९५ करोड ३३ लाख रुपैयाँ खुद बीमा शुल्क आर्जन गरेको थियो ।

सूर्या लाइफ इन्स्योरेन्स कम्पनी लिमिटेडको दोश्रो त्रैमासको वित्तीय विवरण

इन्स्योरेन्सले लगानी कर्जा तथा अन्यबाट २८ करोड ६२ लाख रुपैयाँ, बीमालेख धितोमा कर्जाबाट २ करोड ६७ लाख रुपैयाँ आम्दानी गरेको छ । त्यस्तै ६ महिनाको अवधिमा १४ करोड ५५ लाख रुपैयाँ खुद दाबी भुक्तानी गरेको इन्स्योरेन्स अघिल्लो वर्ष ८ करोड ९३ लाख रुपैयाँ मात्र थियो ।

व्यवस्थापन खर्च तथा अन्य प्रत्यक्ष खर्चतर्फ ४२.८९ प्रतिशत तथा २१८.५७ प्रतिशतले बढेको छ । चुक्तापूँजी २ अर्ब १५ करोड ५१ लाख रुपैयाँ पुर्याएको इन्स्योरेन्सको जगेडा कोषमा ५६ करोड ८९ लाख ९४ हजार रुपैयाँ, जीवनबीमा कोषमा ६ अर्ब २१ करोड ४९ लाख र महाविपत्ति कोषमा ९ करोड ८२ लाख रुपैयाँ सञ्चित छ ।

सूर्या लाइफ इन्स्योरेन्स कम्पनीले चालू आर्थिक वर्षको पुस मसान्तसम्ममा ४ लाख ४२ हजार ८८५ बीमालेख जारी गरी १ अर्ब ३० करोड ७१ लाख रुपैयाँ कूल बीमा शुल्क आर्जन गरेको छ ।

कम्पनीले ६९७ दाबीवापत १६ करोड ९७ लाख रुपैयाँ भुक्तानी गरेको छ भने ४५९ दाबीवापत ३ करोड १२ लाख रुपैयाँ दाबी भूक्तानी गर्न बाँकी छ । कम्पनीको वार्षिक प्रतिसेयर आम्दानी १४ रुपैयाँ १० पैसा, प्रतिसेयर नेटवर्थ १२२ रुपैयाँ ९२ पैसा र मूल्य आम्दानी अनुपात २४.११ गुणा छ ।

कम्पनीले गतआवमा मुनाफाबाट सेयरधनीलाई चुक्तापूँजी १ अर्ब १३ करोड १९ लाख १२ प्रतिशत बराबरको १३ करोड ५८ लाख २८ हजार रुपैयाँ बोनस र कर प्रयोजनका लागि ७१ लाख ४८ हजार ८४२ रुपैयाँ नगद लाभांश वितरण गरेको थियो ।

सूर्या लाइफ इन्स्योरेन्सले भदौ ८ गतेदेखि चुक्तापूँजीको ७० प्रतिशत बराबरले हुन आउने ८८ करोड ७४ लाख रुपैयाँको हकप्रद सेयर बिक्री खुला गरेको थियो । बीमा समितिले जीवन बीमा कम्पनीका लागि तोकेको न्यूनतम चुक्ता पूँजी कायम गर्न कम्पनीले हकप्रद जारी गरेको हो ।

सूर्या लाइफ इन्स्योरेन्स कम्पनीले ५ वर्षको वित्तीय विवरण

फ्लोरसिट

सूर्या लाइफको कारोबार २ हप्ताको फ्लोरसिट हेर्दा ब्रोकर न ३९,४५,३४,२८ तथा ५८ बाट खरिद तथा ४,५८,४२,५ तथा ४४ बाट सर्वाधिक बिक्री भएको देखिन्छ । त्यस्तै इन्स्योरेन्सको बजार मूल्य ४८२ रुपैयाँमा १ लाख १३ हजार सर्वाधिक सेयर कारोबार भएको छ ।

प्राविधिक विश्लेषण

मैनबती आकृति विश्लेषण

गत साता कारोबार बन्दहुँदा माथिल्लो तथा तल्लो स्याडोसहित सानो बुलिस मैनबत्ति बनेको छ । यसले साताको लगानीकर्ता प्रोफिट बुकिङ लागेको देखिन्छ ।

१४ दिने आरएसआई रिलेटिभ स्ट्रेन्थ इन्डेक्स

१४ दिने आरएसआई रिलेटिभ स्ट्रेन्थ इन्डेक्स ७० को स्केलबाट तीव्र गतिले बढेर ८१ को स्केलमा पुगेको छ । यसले इन्स्योरेन्स मूल्य बुलिस मोमेन्टोम भएपनि ८० स्केल पुग्नुले केही सुधार हुन सक्ने संकेत पनि गर्दछ ।

कमोडिटी च्यानल इन्डेस्क

कमोडिटी च्यानल इन्डेस्क धनात्मक ३०० को स्केलबाट १८० स्केलमा आएको देखाउँछ । यस सीसीआई धनात्मक १०० तथा ऋणात्मक १०० मा विभाजन गर्दछ । यदीबजार धनात्मक १०० भन्दामाथि गयो भने बढ्ने र ऋणात्मक १०० को स्केल भन्दा तल गएपछि घट्ने संकेत मानिन्छ ।

मुभिङ एभरेज कन्भर्जेन्स डाइभर्जेन्स (एमएसीडी)

सुर्य लाईफ इन्स्योरेन्स गत वर्ष नोभेम्बरको अन्ततिर एमएसीडीले सिग्नल लाइनलाई क्रस भएको थियो । गत साताको अन्ततिर पनि निरन्तता चलेको देखिन्छ । हिस्टोग्राम पनि मूल्य स्थिर रहेसँगै स्थिर हुने संकेत देखिन्छ ।

बोलिन्जर ब्याण्ड

एभरेस्ट इन्स्योरेन्स चार्ट हर्दा मूल्यले माथिल्लो ब्याण्डमा रेहको छ । यस सूचकले बजारको भोलातिलिटी मापन गर्दछ ।

निश्कर्ष

सूर्या लाइफ इन्स्योरेन्स चालु आर्थिक वर्षको दोस्रो त्रैमाससम्ममा ३३ करोड ३३ लाख रुपैयाँले वृद्धि गरेर १ अर्ब २८ करोड ६६ लाख रुपैयाँ खुद बीमा शुल्क आर्जन गरेको छ ।

खुद मुनाफा ४० प्रतिशतले वृद्धि गरी १० करोड ८२ लाखबाट १५ करोड १९ लाख पुगेको छ । साथै खर्च पनि कम्पनी नियन्त्रण राखेको छ । जीवन बीमा समूह प्रतिसेयर आम्दानी १४ तथा ३३ गुणा मूल्य आम्दानी अनुपात रहेको कम्पनी बीमा कम्पनी समूहमा सबैभन्दा कम मूल्य रहेको छ ।

साता बिहिवार कारोबार बन्दहुँदा माथिल्लो तथा तल्लो स्याडोसहित सानो बुलिस मैनबत्ति बनेको छ । १४ दिने आरएसआई रिलेटिभ स्ट्रेन्थ इन्डेक्स ८१ तथा कमोडिटी च्यानल इन्डेस्क धनात्मक ३०० को स्केलबाट १८० स्केलमा आएको देखाउँछ ।

एमएसीडीको बुलिस क्रस निरन्तता र हिस्टोग्राम पनि स्थिर हुने संकेत देखिन्छ । बोलिन्जर ब्याण्ड मूल्य माथिल्लो ब्याण्डमा छ । प्रायः प्राविधिक सूचकले सूर्या लाइफमा लगानीकर्ता प्रोफिट बुकिङ गरेको स्पष्ट देखिन्छ ।

केही दिनदेखि बीमा सेक्टर राम्रो वृद्धिसँगै सूर्या लाइफको मूल्यको मूल्य २४० देखि ४७१ रुपैंयासम्म पुगेको छ । अहिलेको मूल्य २०१७ तिर बनाएको ४८१ वरपर रहेको छ र उक्त तह ब्रेक गर्न सकेको देखिँदैन ।