त्रिभुवन अन्तर्राष्ट्रिय विमानस्थलमा आगलागी

काठमाडौं । त्रिभुवन विमानस्थलमा आगलागी भएको छ । सोमबार राति पौने ९ बजेतिर स्टारलाइन एरियामा आगलागी भएको डीएसपी भेषराज रिजालले क्लिकमाण्डूलाई जानकारी दिए ।

रिजालका अनुसार विमानस्थलको भित्रपट्टी यात्रु प्रतिक्षालयमा रहेको कफी सपमा आगलागी भएको हो । अहिले यात्रुलाई सुरक्षित राख्ने र आगो निभाउने काम भइरहेको छ ।

अहिले आगो नियन्त्रणमा आइसके पनि पूर्णरुपमा ननिभेको रिजालले बताए ।