प्रतिकुल मौसमले हवाई उडान प्रभावित, अन्तर्राष्ट्रिय र आन्तरिक उडान केही रद्द र केही डाइभर्ट

काठमाडौं । प्रतिकुल मौसमका कारण त्रिभुवन विमानस्थलमा आन्तरिक र अन्तर्राष्ट्रिय उडानहरु प्रभावित भएका छन् ।

प्रतिकुल मौसमका कारण त्रिभुवन अन्तर्राष्ट्रिय विमानस्थलमा केही अन्तर्राष्ट्रिय विमान अवतरण गर्न नसक्दा चीन, भारत र बंगलादेशका विमानस्थलमा डाइभर्ट गरिएको छ ।

विमानस्थलका अनुसार एयर चाइनाको विमान चेन्डु विमानस्थलमा डाइभर्ट भएको छ भने चाइना साउथर्नको विमानस बंगलादेशको ढाका डाइभर्ट भएको छ ।

त्यस्तै, सिचुवान एयरलाइन्स इहासा, सलाम एयर भारतको पटना, थाइ एयरवेज भारतको कलकत्ता, कतार एयरलाइन्स बंगलादेशको ढाका डाइभर्ट गरिएको छ ।

त्यस्तै, इन्डिगो एयरलाइन्सको उडान रद्द गरिउको भने कतार एयरवेजको उडान पनि ढाकामा डाइभर्ट गरिएको छ ।

त्यस्तै, आन्तरिक उडानतर्फ श्री एयरलाइन्सको १२ बजे नेपालगञ्जको उडान रद्द भएको छ । त्यस्तै, श्री एयरलाइन्सकै साढे १२ बजेको विराटनगर उडान पनि रद्द गरिएको छ ।

साथै बुद्ध एयरको भरतपुरबाट आउने विमान पोखरा डाइभर्ट गरिएको छ ।