बमकाण्डको आरोपमा कांग्रेस सांसद मोहम्मद आफ्ताब आलम पक्राउ

काठमाडौं । बम काण्डको आरोपमा कांग्रेस सांसद तथा पूर्वमन्त्री मोहम्मद आफतब आलम पक्राउ परेका छन् ।

आलम रौतहट क्षेत्र नम्बर २ का सांसद हुन् । उनी रौतहटस्थित निबासबाटै पक्राउ परेका हुन् ।

२०६४ सालमा रौतहटमा भएको बमकाण्डमा संलग्न भएको आरोपमा उनी आइतबार पक्राउ परेका हुन् ।

तत्कालिन समयमा बम बनाउँदै गर्दा पड्केर घाइते भएका ५ जनालाई इँटा भट्टामा पोलेर मारेको आरोप उनीमाथि छ । सो घटना लुकाउन उनले घाइतेलाई नजिकैको इँटाभट्टीमा हालेर पोलेको भन्दै २ परिवारले आलमविरुद्ध जाहेरी दिएका थिए ।

निर्वाचनका क्रममा मानिस भाडामा ल्याएर प्रयोग गर्नका लागि बम बनाउन लगाएको र बनाउने क्रममा बम पड्किएको थियो ।