लगातार बढेको सुनको मूल्य आज घट्यो

काठमाडौं । बजारमा लगातार उकालो सुनको मूल्य मंगलबार घटेको छ ।

सोमबार अहिलेसम्मकै उच्च ७३ हजार ५०० रुपैयाँ पुगेको सुनको मूल्य मंगलबार ९ सय रुपैयाँले घटेर ७२ हजार ६०० मा झरेको छ ।

अन्तर्राष्ट्रियस्तरमा राजनीतिक तथा आर्थिक उथलपुथलका कारण लगातार बढेको सुनको मूल्य नेपाली बजारमा मंगलबार घटेको हो ।

नेपाल सुन चाँदी व्यवसायी संघका अनुसार छापावाल सुनको मूल्य प्रतितोला ७२ हजार ६०० रुपैया, तेजावी सुनको मूल्य प्रतितोला ७२ हजार ३०० रुपैयाँ र चाँदीको मूल्य प्रतितोला ८६० रुपैयाँ पुगेको छ ।