बिदेशी लगानी ऐन पास गर्दैमा आउदैन, स्टेट अफ कन्फ्युजन हटाउनुपर्छ

काठमाडौ । राष्ट्रिय सभा सदस्य राधेश्याम अधिकारीले लगानी सम्मेलन निकै नजिक आइसक्दा पनि सरकार गम्भिर नभएको आरोप लगाएका छन
।

आज राष्ट्रिय सभामा बोल्दै उनले सरकार हरेका कुरामा चनाखो भइ अघि बढनुपर्नेमा प्रधानमन्त्री जिस्किदै हिडेको बताएका छन । लगानी सम्मेलन र देशको सुरक्षा अवस्थाबारे बोल्दै उनले भने– विदेशी लगानी भित्राउन एकै दिनमा २÷३ वटा ऐन पारित गरिदैछ, त्यो पनि हतारहतारमा ।

उनले प्रश्न गर्दै थपे– ऐन पास गर्दैमा लगानी भित्रिने हो र ? लगानीकर्ताले ऐन मात्र नहेरी देशमा कानुनको राज्य छ वा छैन, शान्ति सुव्यवस्थाको अवस्था कस्तो छ र नाफा हुने अवस्था र नाफा रोकिने अवस्था छ वा छैन जस्ता विभिन्न कुराको विश्लेषण गरेर मात्र लगानी गर्ने बताए ।

देशमा पछिल्लो समय बढदो द्धन्द्धबारे सरकारले ठट्टा गर्दै हिडेको तर अवस्था जटिल रहेको समेत उनले बताए । सरकार उहि पुरानो युद्ध चर्काएर अभिमन्युको चक्र दोहोर्याउन चाहेको हो कि समाधान गर्न ? उनले प्रश्न गरे ।

ठुलो स्वरमा भाषण गर्दैमा समस्या समाधान नहुने भएकाले उनले सरकारलाई गभ्रि हुन समेत सुझाब दिएका छन ।