अनाथ बालबालिकालाई सेञ्चुरी कमर्सियल बैंकको सहयोग

काठमाण्डौ । सेञ्चुरी कमर्सियल बैंकले बैंकको संस्थागत सामाजिक उत्तरदायित्व अन्तर्गत किर्तीपुर नगरपालिका वडा नं. ६ चोभार स्थित ‘हेल्पलेस चिल्ड्रेन होम’ आश्रमलाई सहयोग गरेको छ ।

आश्रममा अनाथ, असाहय, अपाङ्ग तथा विपन्न वर्गका बालबालिकाहरु करिब ३८ जना छन् जसको सुत्ने र बस्ने कोठामा कार्पेटको आवश्यकता भएकोले बैंकले कार्पेट र खाद्यपदार्थ दिई आश्रमलाई सहयोग गरेको हो ।

बैंकका प्रमुख बजार अधिकृत रन्जन खड्काले हेल्पलेस चिल्ड्रेन होमका उपाध्यक्ष सुनिता साम्सोहाङ्गलाई ती सामाग्री हस्तान्तरण गरेका हुन् ।