नेपाली कांग्रेस केन्द्रीय समितिको बैठक बस्दै, महासमिति बैठक सर्ने
काठमाण्डौ । नेपाली कांग्रेसको केन्द्रीय समितिको बैठक आज बस्दैछ । पार्टी कार्यालय सानेपामा दिउँसो १ बजे बस्ने बैठकमा पार्टीको विधान मस्यौदा माथि छलफल हुनेछ ।
नयाँ संविधानअनुसार कांग्रेसले आफ्नो पार्टी संरचनालाई सङ्घीय ढाँचामा लैजानका लागि बल्ल विधान संशोधनको प्रक्रिया अगाडि बढाएको हो । बैठकमा विधान मस्यौदा समितिका संयोजक एवम् महामन्त्री पूर्णबहादुर खड्काले विधानको मस्यौदा प्रस्तुत गर्नेछन् ।
नेपाली काँग्रेसका प्रवक्ता विश्वप्रकाश शर्माले बैठकमा विधान मस्यौदा प्रस्तुत हुने, महासमितिको बैठक केही दिन पर सार्ने र नेपाल विद्यार्थी संघको महाधिवेशनका विषयमा बैठक केन्द्रित हुने जानकारी दिए ।
आगामी मङ्सिर ५ बाट सुरु हुने तय भएको महासमिति बैठक विविध कारणले केही दिन सार्नुपर्ने अवस्था आएको उनले बताए ।
क्लिकमान्डु
