तुलसीपुर उपमहानगरमा बधशाला र मिटमार्ट बन्ने, लागत ४ करोड



दाङ । तुलसीपुर उपमहानगरपालिकामा चालू आवमा आधुनिक बधशाला र मिटमार्ट निर्माण गरिने भएको छ । चार करोडको लागतमा बधशाला र मिटमार्ट निर्माण गरिनेछ ।

सो कार्यका लागि प्रदेश सरकारले दुई करोड तथा तुलसीपुर उपमहानगरपालिकाले दुई करोड विनियोजन गरेको नगर प्रमुख घनश्याम पाण्डेले जानकारी दिए ।

बधशाला र मिटमार्ट निर्माणपछि लामो समयसम्म मासु भण्डारण गरेर बिक्री गर्न सकिने छ । बधशाला र मिटमार्ट निर्माणपछि यहाँका बासिन्दाले स्वच्छ मासु खान पाउने छन् ।

यस्तै तुलसीपुर उपमहानगरपालिकाले बसपार्क निर्माण गरिरहेको छ । बसपार्क निर्माणको काम हालसम्म ६० प्रतिशत काम पूरा भएको नगरपालिकाका इञ्जिनियर पवनकुमार योगीले जानकारी दिए ।

बसपार्क क्षेत्रलाई व्यवस्थित गर्न तथा अन्य संरचना निर्माण गर्न उपमहानगरपालिकाले १० करोड विनियोजन गरेको छ ।


क्लिकमाण्डू