११ प्रतिशत ब्याजदरमा एआईसी एशियाले १ अर्ब ८३ करोड रुपैयाँको ऋणपत्र जारी गर्ने



एनआईसी एशिया बैंक लिमिटेडले १ हजार रुपैयाँ अंकित दरका १८ लाख ३० हजार कित्ताले हुनआउने १ अर्ब ८३ करोड रुपैयाँको “११५एनआई सी एशिया ऋणपत्र २०८२/८३”निष्काशनको निमित्त बैंकले नबिल इन्भेष्टमेन्ट बैंकिङ लिमिटेडलाई धितोपत्र निष्काशन तथा बिक्री प्रबन्धकका रुपमा नियुक्त गरेको छ ।

यस अगाडि बैंकले जारी गरेको ९ प्रतिशत वार्षिक व्याज भएको ३० लाख कित्ता (कुल रकम ३ अर्ब) ऋणपत्र सम्पूर्ण रुपमा आवेदन प्राप्त भई बाँडफाँड समेत भइसकेको छ । सो नेपाल स्टक एक्सचेञ्जमा सूचीकृत भइसकेको छ । प्रस्तावित ११ प्रतिशत व्याजभएको यस ऋणपत्र लगानीकर्ताको लागि उत्कृष्ट प्रतिफल सहितको दीर्घकालीन लगानीगर्ने सुवर्ण अवसर हुने विश्वास बंैकले लिएकोे छ ।

उक्त ऋणपत्र निष्काशन सम्बन्धी सम्झौता पत्रमा एनआईसी एशिया बैंक लिमिटेडका तर्फबाट कामु प्रमुख कार्यकारी अधिकृत रोशनकुमार न्यौपाने तथा नबिल इन्भेष्टमेन्ट बैंकिङ लिमिटेडका तर्फबाट प्रमुख कार्यकारी अधिकृत सबिर बादे श्रेष्ठले हस्ताक्षर गरे ।

१ अर्ब ८३ करोड बराबरको ऋणपत्रमध्ये ८० प्रतिशत (१ अर्ब ४६ करोड ४० लाख) व्यक्तिगत र २० प्रतिशत (३६ करोड ६० लाख) सर्वसाधारणका लागि नेपालधितोपत्रबोर्डको स्वीकृति पश्चात निष्काशन तथा बिक्री खुल्ला गरिने बैंकले जनाएको छ ।

प्रस्तावित ऋणपत्र ११ प्रतिशत बार्षिक व्याज दरले अर्धवार्षिक रुपमा व्याज भुक्तानीगर्ने गरी ७ वर्ष अवधिको लागि निष्काशन गर्न लागिएकोे हो ।


क्लिकमाण्डू