कुलमान बने उत्कृष्ट सीइओ



काठमाडौं । लोडसेडिङको अन्त्य र विद्युत् चुहावटमा विशेष योगदान गरेको भन्दै नेपाल विद्युत् प्राधिकरणका कार्यकारी निर्देशक कूलमान घिसिङ सर्वश्रेष्ठ सीइओ घोषणा भएका छन् ।

अध्यारो हटाएर उज्यालो नेपाल निर्माण गरेको तथा नेपालको अर्थन्त्रका सकारात्मक परिणाम निकालेको भन्दै उनलाई वर्षको सर्वश्रेष्ठ सिइयो घोषणा गरिएको छ ।

सीइओ क्लबले आयोजना गरेको उक्त कार्यक्रममा एसएमएस भोटिङका आधारमा घिसिङ सर्वश्रेष्ठ सिइयो घोषणा भएका हुन् ।

घिसिङसँगै प्रतिस्पर्धामा नबिल बैंकका डेपुटी सिइयो अनिल शाह, नेपाल टेलिककका प्रबन्ध निर्देशक कामिनी राजभण्डारी, बैंकर चन्द्र ढकाललगायत रहेका थिए । सबै प्रतिस्पर्धीलाई पछि पार्दै घिसिङ सर्वश्रेष्ठ सिइयो भएका हुन् ।

बुधबार उनलाई एक कार्यक्रम माझ सर्वश्रेष्ठ सिइयोको अर्वाड दिइएको हो । यस्तै घिसिङलाई सर्वश्रेष्ठ सिइओसँगै ‘बेष्ट सिइओ अफ पब्लिक सेक्टर’ र सर्वाधिक लोकप्रिय सिइओ अवार्ड पनि दिइएको छ ।

विद्युतको माग र आपूर्तिको कुशल व्यवस्थापनका लागि उनलाई सम्मान गरिएको आयोजक संस्थाले जनाएको छ ।

आफूलाई प्राप्त भएको सम्मानलाई सम्पत्तिको रुपमा स्वीकार गर्दै आगामी दिनमा आफ्नो क्षेत्रमा अझै सक्रिय भएर लाग्ने घिसिङले बताए । उनले नेपाली जनतामा प्राधिकरणको साख बढाउन पाउँदा खुसी समेत लागेको संक्षिप्त प्रतिक्रिया समेत दिए ।