५२ लाख कित्ता सेयर किनबेच हुँदा तीन अर्बको कारोबार



काठमाडौं । धितोपत्र बजारमा यससाता २ अर्ब ९६ करोड १९ लाख २० हजार बराबरको सेयर कारोबार भएको छ ।

नेपाल स्टक एक्सचेन्जकाअनुसार कुल १६४ कम्पनीको ५२ लाख ९२ हजार ६० कित्ता सेयर खरिद बिक्री भएको हो ।

कारोबार रकम गत साताको भन्दा ०.०२ प्रतिशतले कम रहेको छ । गत साता १६१ कम्पनीको ४९ लाख आठ हजार ६० कित्ता सेयर २ अर्ब ९६ करोड २५ लाख २२ हजार रुपैयाँमा खरिद बिक्री भएको थियो ।

स्टककाअनुसार यस साता ‘क’ वर्गका कम्पनीको कारोबारमापन गर्ने सेन्सेटिभ परिसूचक पहिलो दिनको तुलनामा ३ दशमलव ७६ अङकले घटेर ३३० दशमलव ९ अङ्कमा आइपुगेको छ ।

यस साता कारोबार रकमका आधारमा एभरेस्ट बैंक अग्रस्थानमा रहेको छ । सो बैंकको ३० करोड ६ लाख ८० हजार रुपैयाँ बराबरको सेयर कारोबार भएको थियो ।

त्यसैगरी कारोबार भएको सेयर सङ्ख्याका आधारमा प्रभु बैंक अग्रस्थनामा रहेको छ । सो बैंकको ७ लाख ८० हजार कित्ता सेयर कारोबार भएको थियो ।


क्लिकमाण्डू