ह्याकिङ प्रकरणः नेपाल र जर्मनीमा एउटै समय, एउटै तरिका, यस्ता छन् समानता र भिन्नता

काठमाडौं । गत शनिबार राजधानीमा चिनियाँ ह्याकहरुले विभिन्न बैंकका एटीएम प्रयोग गरी ठगी गरे । नेपालमा भएको उक्त घटनासँगै जर्मनीका बैंकबाट पनि ह्याकरहरुले ठगी गरे ।

नेपालमा भएको उक्त घटनापछि ह्याकरहरु चिनियाँ र स्पेनिस नागरिकहरु पक्राउ परे भने जर्मनीमा भने ब्राजिलियन नागरिक भएकाले ह्याकरहरु पक्राउ पर्न भने सकेका छैनन् ।

नेपालमा ७ वटा बैंकबाट उक्त घटना भएको थियो । जसमा प्रभु बैंक, माछापुच्छ्रे बैंक, ग्वोवल बैंक, जनता बैंक, एनआईसी बैंक, सनराइज र सिटिजन बैंकका खाताबाट पैसा निकालिएको थियो ।

एटीएम भने ६ वटा बैंकका प्रयोग भएका थिए । जसमा एसबीआई, कुमारी, नविल, मेगा, एभरेष्ट र एनआईबी बैंकका एटीएम बुथ प्रयोग भएको देखिन्छ ।

तर जर्मनीमा भने नेपालमा जस्तो नभइ एउटा मात्रै बैंकमा ह्याक गरिएको थियो । ओल्डेनबुग्रिचे ल्यान्डेस बैंक (ओएलबी)मा मात्रै ह्याक भएको थियो ।

यी दुबै घटना एकै समयमा भएको थियो । अर्थात यी घटना ३ दिनको अन्तरमा मात्रै भएको देखिन्छ भने डुब्लिकेट कार्ड प्रयोग गरी ह्याक गरेको देखिन्छ । नेपालमा ईभीएम म्याग कार्ड प्रयोग गरेको देखिन्छ भने जर्मनीमा पनि ब्राजिलियन ह्याकरहरुले सोही प्रकारको कार्ड प्रयोग गरेको देखिन्छ ।

तर एउटा फरक के भने नेपालमा बैंकको खाताबाट पैसा काटिएको छ भने जर्मनीमा २००० हजारभन्दा बढी ग्राहकको खाताबाट पैसा काटिएको छ ।

नेपालमा ३ करोड ४५ लाख रुपैयाँ ठगी भएको छ भने जर्मनीको उक्त बैंकबाट झण्डै १९ करोड रुपैयाँ ठगी भएको देखिन्छ ।

Comparison of ATM/Card Fraud Cases of Nepal and German