अविरल वर्षाले निम्त्याएकाे विपद : ६० जनाको मृत्यु, ३८ घाइते, २६ बेपत्ता

काठमाडौं । देशैभर केहि दिनदेखि लगातार परिरहेका अविरल वर्षाले निकै ठुलो क्षति पुर्याएको छ ।

नेपाल प्रहरीले दिएको जानकारी अनुसार बाढीका कारण हालसम्म ६० जनाले ज्यान गुमाइसकेका छन । ज्यान गुमाउनेहरुमध्ये २४ जना महिला र ३६ जना पुरुष रहेका छन ।
त्यसै गरी बाढीकै कारण घाइते हुनेहरुको संख्या ३८ पुगेको छ जसमध्ये महिला १७ जना र पुरुष २१ जना रहेका छन ।

नेपाल प्रहरीले गराएको आज बेलुका ४ः ३० बजेसम्मको अपडेट अनुसार १२ जना महिला र १४ जना पुरुष गरी २६ जना बेपत्ता भएका छन । उनीहरुको खोजी कार्य जारी रहेको प्रहरीले जानकारी दिएको छ ।

बाढी प्रभावित १ हजार ४ सय ४४ जनाको भने सकुशल उद्धार गरिएको छ ।