कोरियन भाषाको परीक्षाफल प्रकाशित, यसरी हेर्नुस रिजल्ट

काठमाडौं । कोरिया जान चाहने नेपाली युवालाई केन्द्रमा राखेर कोरिया सरकारले सञ्चालन गरेको रोजगार अनुमति प्रणाली (ईपीएस) अन्तर्गत लिइएको कोरियन भाषा परीक्षाको नतिजा सार्वजनिक भएको छ ।

इपिएस कोरियाले गत जेठ २५ र २६ गते दुई दिन कोरियन भाषाको परीक्षा लिएको थियो । ईपीएस कोरियाले आज राती परीक्षाफल प्रकाशित गरेको हो ।

परीक्षाफल ईपीएसको बेवसाइटमा गएर हेर्न सकिने व्यवस्था गरिएको छ ।

ईपीएस कोरिया शाखा नेपालले पनि भाषा परीक्षाको नजिता सार्वजनिक भएको जानकारी दिँदै विस्तृत विवरण आज सार्वजनिक हुने जनाएको छ ।

परीक्षामा ९२ हजार ३ ५६ युवा सहभागी भएका थिए । ती मध्ये कुल १० हजार ५० जना नेपाली प्रशिक्षार्थी कामदारका रुपमा कोरिया जान पाउने भएका छन् ।
नतिजा हेर्नको लागि यहाँ क्लिक गर्नुहोला ।