२ महिनामा कुन बैंकको सेयर किन्नेले कति कमाए ? प्रभुको किन्ने मालामाल (सूचिसहित)

काठमाडौं । लामो समयदेखि सेयर बजारमा देखिएको गिरावटले धेरै लगानीकर्ताहरुलाई निरास मात्रै होइन, आक्रोश पनि बनायो । घाटा खाएपछि लगानीकर्ताहरु अनसनदेखि आन्दोलनसम्म उत्रिए ।

किनेको मूल्य भन्दा पनि तल साधारण सेयरको मूल्य झरेका कारण लगानीकर्ताहरु निरास र आक्रोशित बन्नु अस्वभाविक थिएन ।

सेयर बजारमा ठूलो हिस्सा वाणिज्य बैंकको छ । सेयर बजारमा बैंकिङ समूहको सूचक जति तलमाथि हुन्छ, नेप्से सूचक पनि अपवाद बाहेक पनि तलमाथि हुन्छ ।

केही समयअघि त कतिपय बैंकको सेयर मूल्य झण्डै साधारण सेयर मूल्यका हाराहारीमा आईपुगेको थियो । मंगलबारसम्मको कारोबारमा हेर्दा सेन्चुरी, सिभिल र जनता बैंकको सेयर मूल्य २०० रुपैयाँभन्दा तल नै रहेको छ ।

तर पछिल्लो समयमा आएर बैंकिङ समूहकोमा केही सुधार देखिएको छ । विगत २ महिनाको वाणिज्य बैंक तर्फको सेयर मूल्य हेर्दा अधिकांश बैंकको सेयर मूल्य बढेको छ । तर यो अवधिमा कुमारी बैंकको सेयर मूल्य भने २.५८ प्रतिशतले घटेको छ ।

यो अवधिमा सबै भन्दा बढी नेपाल एसबीआई बैंकको सेयर मूल्य ३४.३० प्रतिशतले बढेको छ । यस्तै प्रभु बैंकको ३३.०१, एभरेष्ट बैंकको ३२.०८ प्रतिशत, हिमालयन बैंकको २९.१९, एनआइसी एसिया बैंकको २७.६०, माच्छापुच्छे«को २७.२७ प्रतिशतले सेयर मूल्य बढेको छ ।