काठमाडौं । रियलमीले नेपाली बजारमा आफ्नो नयाँ स्मार्टफोन पी३ अल्ट्रा फाइभजी र पी३ फाइभजी सार्वजनिक गरेको छ ।
रियलमी पी३ अल्ट्रा फाइभजी (१२ जिबी + २५६ जिबी) ग्लोइङ लुनार ह्वाइट र नेप्च्युन ब्लु रंगमा ६५ हजार ९९९ रुपैयाँ र पी३ फाइभ जी (८ जिबी + २५६ जिबी) स्टारलाइट ग्रीन र कोमेट ग्रे रंगमा ४४ हजार ९९९ रुपैयाँमा उपलब्ध हुने कम्पनीले जनाएको छ ।
कम्पनीका अनुसार, नयाँ रियलमी पी३ अल्ट्रा फाइभजीमा डाइमेन्सिटी ८३५० अल्ट्रा चिपसेट समावेश गरिएको छ भने यसमा ६००० एमएएच् टाइटन ब्याट्री तथा ८० वाट अल्ट्रा चार्ज प्रविधि उपलब्ध रहेको छ, जसले छिटो र प्रभावकारी चार्जिङ अनुभव प्रदान गर्छ ।
७.३८ मिलिमिटर अल्ट्रा स्लिम डिजाइन तथा ग्लोइङ लुनार डिजाइनमा उपलब्ध यो स्मार्टफोनमा आईपी ६९ स्तरको पानी प्रतिरोधी सुविधा रहेको छ । यसमा १ दशमलव ५ के क्वाड–कर्भ्ड एमोलेड डिस्प्ले तथा ओआईएस सहितको सोनी ५० मेगापिक्सेल एआई क्यामेरा जडान गरिएको छ ।
साथै, ६०५० वर्ग मिलिमिटर एरोस्पेस भीसी कुलिङ प्रणाली, १२ जिबी र्याम, २५६ जिबीसम्म स्टोरेज, जीटी बुस्ट, रियलमी यूआई ६.०, डुअल स्टेरियो स्पिकर तथा एन्टेना एरे म्याट्रिक्स जस्ता विशेषता समावेश गरिएको छ ।
त्यसैगरी, पी३ फाइभजीमा स्न्यापड्रागन ६ जेन ४ फाइभजी चिपसेट समावेश गरिएको छ ।
दैनिक प्रयोग तथा गेमिङ अनुभवलाई ध्यानमा राखेर तयार गरिएको यस स्मार्टफोनमा ६००० एमएएच् टाइटन ब्याट्री, ४५ वाट फास्ट चार्ज, एरोस्पेस कुलिङ प्रणाली तथा १२० हर्ज एमोलेड ई–स्पोट्र्स डिस्प्ले उपलब्ध छ ।
यसका साथै फोनमा आईपी ६६, आईपी ६८ तथा आईपी ६९ पानी प्रतिरोधी सुविधा, ७ दशमलव ९७ मिलिमिटर अल्ट्रा स्लिम डिजाइन, अधिकतम २६ जिबी र्याम र २५६ जिबी रोम, ५० मेगापिक्सेल कृत्रिम बुद्धिमत्ता क्यामेरा, एआई बुस्ट, जीटी बुस्ट, एन्ड्रोइड १५ मा आधारित रियलमी यूआई ६.०, डुअल स्टेरियो स्पिकर तथा एन्टेना एरे म्याट्रिक्स २.० जस्ता सुविधा समावेश गरिएका छन् ।
प्रतिक्रिया