कलाकार सागर लम्साल ‘बले’ माथि बलात्कारको आरोप

काठमाडौं । कलाकार सागर लम्साल ‘बले’ माथि बलात्कारको आरोप लागेको छ । अमेरिकामा बस्दै आएकी एक नेपाली युवतीले सामाजिक सञ्जालमा स्टाटस लेख्दै बलात्कारको आरोप लगाएकी हुन् ।

ती युवतीले सामाजिक सञ्जालमार्फत आफ्नो एक वर्ष अगाडिको घटना सार्वजनिक गर्दै लम्साल अमेरिका पुगेका बेला आफूलाई जबर्जस्ती करणी गरेको दाबी गरेकी छिन् ।

उनका अनुसार लम्सालसँग पारिवारिक चिनजान रहेका कारण लम्साल अमेरिका पुगेका बेला उनले भेट गरेकी थिइन् । भेटमा लम्सालले आफ्नो बसोबासको ठाउँ हेर्ने अनुरोध गरे । अपार्टमेन्ट पुगेपछि आफ्नो स्वास्थ्य, व्यक्तिगत संघर्ष र मानसिक अवस्थाबारे खुलेर कुरा गरेको बेला लम्सालले आफूमाथि बलात्कार गरेको उनको आरोप छ । दाइझैँ विश्वास गरेको व्यक्तिबाट यस्तो व्यवहार भएको भन्दै उनले स्टाटसमा उल्लेख गरेकी छन् ।

उनले ‘कसैको जिन्दगी बर्बाद गरेर बाँच्दा कस्तो महसुस हुन्छ ?’ भन्दै सामाजिक सञ्जालमै लम्सालमाथि प्रश्न गरेकी छन् । साथै, उनले परिवारमा असर पर्ने डरले तत्काल कुरा बाहिर ल्याउन नसकेको पनि उल्लेख गरेकी छन् ।

कलाकार लम्साल भद्रगोल, सक्किगोनी लगायतका चर्चित टेलिभिजन सिरियलमार्फत दर्शकमाझ लोकप्रिय छन् । उनले लाज शरणम चलचित्रमा पनि अभिनय गरेका छन् । यस विषयमा कलाकार लम्सालले भने हालसम्म कुनै सार्वजनिक प्रतिक्रिया दिएका छैनन् ।

यस्तो छ बलेमाथि लागेको आरोपः