काठमाडौं । प्रधानमन्त्री सुशीला कार्कीले पशुपतिनाथ मन्दिरमा पुगेर दर्शन गर्नुका साथै रुद्राभिषेक पूजा गरेकी छन् ।
निर्वाचन शान्तिपूर्ण रूपमा सम्पन्न भएकोमा आराध्यदेव पशुपतिनाथप्रति कृतज्ञता व्यक्त गर्दै उनले बुधबार प्रधानमन्त्रीले पूजा गरेको प्रधानमन्त्रीको सचिवालयले जनाएको छ ।
सचिवालयद्वारा जारी प्रेस नोटमा प्रधानमन्त्री कार्कीले देशलाई शान्ति र स्थायित्वको दिशातर्फ अघि बढाउन सबै पक्षबाट प्राप्त सहयोगप्रति आभार व्यक्त गरेकी छन् । साथै, आगामी दिनमा मुलुक अझ प्रगतिशील मार्गमा अगाडि बढोस् भन्ने कामना पनि उनले व्यक्त गरेकी छन् ।
उनले देशभरका नेपालीबीच एकता, सद्भाव र आत्मीयताको भावना अझ सुदृढ बन्ने विश्वास व्यक्त गर्दै त्यसका लागि सबैलाई सहकार्य गर्न आह्वान समेत गरेकी छन् ।
उक्त पूजा कार्यक्रममा संस्कृति, पर्यटन तथा नागरिक उड्डयन मन्त्री अनिलकुमार सिन्हा, पशुपति क्षेत्र विकास कोष का सदस्य सचिव प्रकाशमणि शर्मा, कार्यकारी निर्देशक सुवास जोशी लगायतको उपस्थिति रहेको थियो ।
प्रतिक्रिया