कपिलवस्तु–३ मा कांग्रेसका शाहको अग्रता कायमै, अब दुई वडाको मत गन्न मात्र बाँकी

काठमाडौं । कपिलवस्तु निर्वाचन क्षेत्र नं. ३ मा नेपाली कांग्रेसका उम्मेदवार अभिषेकप्रताप शाहले आफ्नो अग्रतालाई थप फराकिलो बनाउँदै लगेका छन् ।

पछिल्लो विवरण अनुसार, शाहले २२ हजार २ सय २६ मत प्राप्त गरेका छन् ।

उनलाई राष्ट्रिय स्वतन्त्र पार्टी (रास्वपा) का प्रकाश रजौरियाले १७ हजार ६ सय ८१ मतका साथ पछ्याइरहेका छन् ।

शाह र रजौरियाबीचको मतान्तर ४ हजार ५ सय ४५ रहेको छ । अब शिवराज नगरपालिकाका वडा नं. १० र ११ को मात्र मतगणना हुन बाँकी रहेकाले शाहको जीतको सम्भावना बलियो देखिएको छ ।