एजेन्सी । मलेसिया प्रहरीको एक हेलिकप्टर बिहीवार बिहान पानीमा खसेको छ ।
जोहोर क्षेत्रमा रहेको सुंगाई पुलाई नजिकको जलक्षेत्रमा चलिरहेको अन्तर्राष्ट्रिय सुरक्षा अभ्यासका क्रममा हेलिकप्टर पानीमा खसेको हो ।
हेलिकप्टरमा ५ जना सवार थिए । उनीहरू सबैलाई मरिन प्रहरीले उद्धार गरेर उपचारका लागि सुल्ताना अमिना अस्पताल लगेको छ ।
गेलाङ पाताह नामक स्थानमा मलेसिया, इन्डोनेसिया, थाइल्यान्ड र सिंगापुरका सुरक्षाकर्मीहरूले मल्टिल्याटरल न्युक्लीयर सिक्योरिटी डिटेक्शन एक्सरसाइज गरिरहेका छन् । त्यही क्रममा राष्ट्रप्रमुखको सम्मानमा गरिने फ्लाईपास्टको अभ्यास चलिरहँदा हेलिकप्टर पानीमा खसेको हो ।
एएस३५५एन हेलिकप्टर दुर्घटनामा परेको मलेसियाको नागरिक उड्डयन प्राधिकरणले जनाएको छ । उक्त हेलिकप्टर स्थानीय समयअनुसार बिहान ९ः५१ मा चालक सहित ५ जनालाई लिएर तान्जुङ कुपाङ प्रहरी कार्यालयबाट उडेको प्राधिकरणले जानकारी दियो ।
बेर्नामा सञ्चारमाध्यमका एक पत्रकार उक्त कार्यक्रमको समाचार संकलनका लागि गएका थिए र उनले दुर्घटनाको दृश्यको भिडियो बनाएका थिए ।
के कारणले दुर्घटना भएको हो भनी अनुसन्धान चलिरहेको बताइएको छ ।
Sebuah helikopter milik PDRM terbabit dalam kemalangan pagi tadi ketika menjalani simulasi lintas hormat sempena latihan Multilateral Nuclear Security Detection Exercise (MITSATOM 2025) berhampiran Sungai Pulai, Gelang Patah kira-kira 35 km dari Johor Bahru. pic.twitter.com/so8D8xQ5pF
— BERNAMA TV 🇲🇾 (@BernamaTV) July 10, 2025
प्रतिक्रिया