एजेन्सी । चीनले पाकिस्तानविरुद्ध भारतले गरेको सैन्य कारबाहीमा खेद व्यक्त गर्दै यसका वर्तमान विकासक्रममा चिन्तित रहेको बताएको छ ।
चीनको विदेश मन्त्रालयका प्रवक्ताले भने, ‘भारत र पाकिस्तान छुट्याउन नसकिने छिमेकी हुन्, दुबै चीनका पनि छिमेकी हुन् ।’
पाकिस्तान र भारतबीच तनाव बढ्दै गएपछि चीन कूटनीतिक दुविधामा परेको देखिन्छ।
हप्तौंदेखि बेजिङले आफ्नो दीर्घकालीन ‘अटूट मित्र’ इस्लामाबाद र क्षेत्रीय प्रतिद्वन्द्वी नयाँ दिल्लीबीचको प्रतिस्पर्धात्मक प्रतिक्रियाहरू हेर्ने गरेको छ । भारतसँग चीनको सीमा विवाद पनि रहेको छ ।
यो तनाव चीनले ट्रम्प प्रशासनको दबाबलाई प्रतिकार गर्न छिमेकी र व्यापारिक साझेदारहरूसँग सम्बन्ध सुधार्ने प्रयास गरिरहेको बेलामा उठेको हो ।
पाकिस्तान चीनबीच नजिकको साझेदारी रहेको छ र बेल्ट एन्ड रोड इनिसिएटिभ (बीआरआई) को प्रमुख समर्थक पनि हो । स्विडेनी थिंक ट्यांक स्टकहोल्म अन्तर्राष्ट्रिय शान्ति अनुसन्धान संस्थानका अनुसार, पाकिस्तानले पछिल्लो ५ वर्षमा आयात गरेको ८१% सैन्य सामग्री चीनबाट प्राप्त गरेको छ।
अप्रिल २७ मा पाकिस्तानी समकक्षीसँग टेलिफोन वार्तामा चीनका विदेश मन्त्री वाङ यीले पाकिस्तानलाई समर्थन जनाएका थिए। उनले भने, ‘पाकिस्तानको अटूट मित्र र सर्वकालिक रणनीतिक सहकारी साझेदारको रूपमा चीनले पाकिस्तानको जायज सुरक्षा चिन्तालाई बुझ्दछ र उसको संप्रभुता र सुरक्षा हितको रक्षामा समर्थन गर्दछ ।’
चीनले दुबै देशबीच शान्तिपूर्ण समाधानको पनि आग्रह गरेको छ ।
प्रतिक्रिया