कर्णालीविरुद्ध पोखरा १०३ रनमा अलआउट, विलियम एक्लैको ६ विकेट

काठमाडौं । नेपाल प्रिमियर लिग (एनपीएल) क्रिकेट प्रतियोगितामा पोखरा एभेन्जर्सले कर्णाली याक्सलाई १०४ रनको लक्ष्य दिएको छ ।

त्रिवि क्रिकेट मैदानमा टस जितेर पहिले ब्याटिङ गरेको पोखराले १६ ओभर ३ बलमा सम्पूर्ण विकेट गुमाउँदै मात्र १०३ रन बनायो । पोखराका लागि दिनेश खरेलले २६ रन बनाउँदा आन्द्रेश गौसले २५ रन बनाए ।

कर्णालीका लागि विलियम बेसिस्टोले ६ विकेट लिए । उतले ४ ओभर बलिङ गर्दै २८ रन खर्चे । आजको खेलमा पोखरा जित्नै पर्ने दबाबमा छ । प्रतियोगितामा चौथो खेल खेलिरहेको पोखराले एक खेलमा मात्र जित निकालेको छ ।

पोखरा ३ खेलबाट २ अंक सहित तालिकाको पाँचौं स्थानमा छ । यता ४ खेलबाट ४ अंक जोडेको कर्णाली तालिकाको तेस्रो स्थानमा छ ।