धवनको अर्धशतकमा कर्णालीद्वारा काठमाडौंलाई १५० रनको लक्ष्य

काठमाडौं । शिखर धवनको अर्धशतकको सहयोगमा कर्णाली याक्सले नेपाल प्रिमियर लिग (एनपीएल)मा काठमाडौं गुर्खाजलाई १ सय ५० रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा टस हारेर ब्याटिङ गरेको कर्णालीले निर्धारित २० ओभरमा पाँच विकेट गुमाउँदै १ सय ४९ रन बनाएको हो । कर्णालीका लागि शिखर धवनले ५१ बलमा ४ चौका र ५ छक्काको सहयोगमा ७२ रन बनाएका हुन् ।

प्रतियोगितामा धवनको पहिलो अर्धशतक हो ।