प्रधानमन्त्रीमा ओलीको नियुक्तिविरुद्ध सर्वोच्चमा रिट

काठमाडौं । केपी शर्मा ओलीलाई प्रधानमन्त्रीमा नियुक्ति र सपथविरुद्ध सर्वोच्च अदालतमा रिट दायर भएको छ ।

संविधानको धारा ७६(२) अनुसार प्रधानमन्त्रीको नियुक्ति र शपथ विरुद्ध सर्वोच्च अदालतमा रिट परेको हो ।

खगेन्द्र चापागाईं, शैलेन्द्र गुप्ता र दीपक अधिकारीले प्रधानमन्त्री केपी शर्मा ओलीको नियुक्ति र सपथ बदरको माग गर्दै सोमवार सर्वोच्चमा रिट दायर गरेका हुन् ।

रिट निवेदकहरुले संविधानको धारा ७६(२) अनुसारको प्रधानमन्त्री नियुक्ति बदर गर्दै ३ अनुसार नयाँ नियुक्ति गर्न माग गरेका छन् ।

यसअघिको प्रचण्ड नेतृत्वको सरकार ७६(२) अनुसार बनेको र प्रचण्डले विश्वासको मत गुमाएकाले सोही धार अनुसार सरकार बन्न नसक्ने उनीहरुको जिकिर छ ।

अधिवक्ता यज्ञमणि न्यौपानेका अनुसार राष्ट्रपतिको कार्यालय, प्रधानमन्त्री तथा मन्त्रिपरिषद् कार्यालय, संसद् सचिवालय र प्रतिनिधिसभालाई विपक्षी बनाएर रिट दर्ता भएको छ ।