धनगढीबाट काठमाडौं उडेको बुध्द एयरको जहाज गौतमबुद्ध विमानस्थलमा आकस्मिक अवतरण

काठमाडौं । धनगढीबाट काठमाडौं आउँदै गरेको बुध्द एयरको जहाज गौतमबुद्ध विमानस्थलमा आकस्मिक अवतरण गरेको छ ।

कैलालीको धनगढी विमानस्थलबाट साँझ ५ः५५ बजे उडेको विमानका यात्रु सिकिस्त बिरामी भएपछि जहाज गौतमबुद्ध विमानस्थलमा आकस्मिक अवतरण गरेको हो ।

बिरामी यात्रुसँगै चढेका परिवारका अन्य दुई जना सदस्य पनि भैरहवा नै झरेका छन् । बिरामी यात्रुलाई भैरहवाकै एक अस्पताल भर्ना गरिएको छ ।

बिरामी यात्रु र परिवारका सदस्य झरेपछि विमान काठमाडौं विमानस्थलतर्फ उडिसकेको बुध्द एयरले जनाएको छ ।