सुन तस्करी प्रकरण: कपिलवस्तुबाट थप एक जना पक्राउ

काठमाडौं । ब्रेक सुमा राखेर तस्करी भएको ६० किलो सुन प्रकरणमा प्रहरीले कपिलवस्तुबाट थप एक जनालाई पक्राउ गरेको छ ।

केन्द्रीय अनुसन्धान ब्युरोको टोलीले मंगलबार सुमन खरेललाई कपिलवस्तुबाट पक्राउ गरेको केन्द्रीय प्रवक्ता डिआइजी कुवेर कडायतले जानकारी दिए ।

योसँगै ६० किलो प्रकरणमा पक्राउ पर्नेको संख्या २७ पुगेको छ । गत साउन ३ गते हङकङबाट ल्याइएको ६० किलो ७१६ ग्राम सुन राजस्व अनुसन्धान विभागले त्रिभुवन अन्तर्राष्ट्रिय विमानस्थल भन्सार कार्यालय अगाडिबाट बरामद गरेको थियो ।