युक्रेनी राष्ट्रपतिद्वारा ग्रिस भ्रमण, इयुका नेताहरुसँग भेट

काठमाडौं । युक्रेनी राष्ट्रपति भोलोदिमिर जेलेन्स्कीले ग्रिसको भ्रमण गरेका छन् ।

भ्रमणका क्रममा सोमबार युरोपेली नेताहरुसँग भेट गरेका हुन् । आफ्नो भ्रमणका क्रममा जेलेन्स्कीले ग्रिसका प्रधानमन्त्री क्यारियाकोस मित्सोटाकिस र ग्रिसका राष्ट्रपति क्याटेरिना साकेलारोपौलोसँग छुट्टाछुट्टै शिष्टाचार भेट गरेका थिए ।

भ्रमणका क्रममा उनले युरेपेली संघ (इयु) का युरोपेली नेताहरुको अनौपचारिक बैठकमा समेत सहभागी बनेका थिए । उत्तरी ग्रिसको थेसालोनिकी शहरको बन्दरगाहमा आयोजना भएको इयु वेस्टर्न बाल्कन शिखर सम्मेलनको २० वर्ष पूरा भएको अवसरमा उनलाई निमन्त्रणा गरिएको बताइएको छ ।

युक्रेनी राष्ट्रपति जेलेन्स्की ग्रिस पुगेपछि मात्रै उहाँको भ्रमणबारे औपचारिक घोषणा गरिएको थियो ।