चीनमा ५ वर्षमा १ लाख ८० हजारविरुद्ध वित्तीय ठगीको आरोपमा मुद्दा दायर

एजेन्सी । वित्तीय ठगी गरेको र वित्तीय व्यवस्थापनमा बाधा पुर्‍याएको आशंकामा चीनका सरकारी निकायले सन् २०१८ यताका ५ वर्षमा १ लाख ८० हजारभन्दा बढी व्यक्तिविरुद्ध मुद्दा दायर गरेको छ ।

यो अवधिमा १ लाख १० हजारभन्दा बढी मानिसलाई अवैध कोष संकलनका लागि मुद्दा चलाइएको सुप्रिम पिपुल्स प्रोक्युरेटोरेटले जनाएको छ ।

एसपीपीले वित्तीय जोखिम नियन्त्रणको प्रयासस्वरूप अभियोजन तीव्र बनाएको छ । यस किसिमका प्रायः मुद्दामा अवैध कोष संकलन, मुद्रा जाली र गैरकानुनी व्यापार सञ्चालनलगायत समावेश छन् ।