चिनियाँ होङ्सी सिमेन्टसहित ११ कम्पनीले देखाए खानी उत्खनन गर्ने इच्छा

काठमाडौं । नेपालको खनिजजन्य पर्दाथ उत्खनन तथा खोज तलासका लागि ३ विदेशीसहित ११ कम्पनी इच्छा व्यक्त गरेका छन् । विदेशी कम्पनीहरुमा २ चिनियाँ र एक नाइजेरियन कम्पनीले इच्छा देखाएका हुन् ।

चिनियाँ कम्पनीमा होङ्सी सिमेन्ट, दाङसंङ र नाइजेरियनको दाङवटे कम्पनीले नेपालका खानी उत्खनन तथा खोज तलासका लागि इच्छा व्यक्त गरेका छन् ।

गत चैत १ गते विभागले खनिजजन्य पर्दाथ उत्खन तथा खोज तलासमा इच्छुक स्वदेशी तथा विदेशी कम्पनीलाई डाटा प्याक (खानी उत्खनन्का लागि आवश्यक प्रक्रिया ढाँचा) बिक्री खुल्ला गरेको थियो ।

विभागले त्यसका लागि १५ वटा खानी छुट्टयाएको थियो । जसमा १२ वटा खोज तलास र ३ वटा उत्खननका लागि छिट्टयाइएको थियो । खोज तलास डाटा प्याक १५ हजार रुपैयाँ र उत्खनन डाटा प्याक २५ हजार रुपैयाँमा बिक्री गरेको थियो ।

खोज तलासका लागि छुट्टयाएको १२ वटा खानीमध्येमा ९ वटा खानी खोज तलासका लागि स्वदेशी तथा विदेशी कम्पनीबाट प्रस्ताव आएको विभागका सिनियर डिभिजनल मेटालोजिस्ट दिलिपकुमार झाले जानकारी दिए ।

यस्तै, उत्खनका लागि छुट्टयाएको ३ खानीमध्ये २ खानी उत्खनका लागि कम्पनीहरुको प्रस्ताव आएको पनि उनले जानकारी दिए ।

‘डाटा प्याक खरिद गर्ने कम्पनीबाट ११ खानीका लागि प्रस्ताव आएको छ, एउटै खानीका लागि एकभन्दा धेरै प्रस्ताव पेश भएकाले कम्पनीहरुको आन्तरिक मुल्यांकनमा विभाग लागेको छ,’ झाले क्लिमाण्डूसँग भने ।

विभागले कम्पनीहरुको आन्तरिक मुल्यांकन (आर्थिक, प्राविधिक क्षमता) को आधारमा खानी उत्खनन तथा खोज तलासका लागि प्रस्ताव माग गर्नेछ झाले जानकारी दिए ।

खोज तलासका लागि विभागले डाटा प्याक निस्कासन गरेको खानीको विवरण

उत्खननका लागि विभागले डाटा प्याक निस्कासन गरेको खानीको विवरण