आज भाइटीका, ११ बजेर ३७ मिनेट टिका लगाउने उत्तम साइत

काठमाडौं । आज भाइ टिकाको दिन हो । आज टीका लगाउने उत्तम साइत बिहान ११ बजेर ३७ मिनेटमा रहेको पञ्चाङ्ग निर्णायक समितिले जनाएको छ ।

११ बजेर ३७ मिनेटमा टिका लगाउने उत्तम साइत भएपनि दिनभरी लगाउन सकिने समितिका अध्यक्ष प्रा.डा. रामचन्द्र गौतमले बताए ।

यो दिन दाजुभाइलाई दिदी बहिनीले आपसमा टीका लगाइदिएर ऐश्वर्य, दीर्घायु र समृद्धिको कामना गरिन्छ ।

टीका लगाएपछि दिदी बहिनीहरुले ओखर, कटुस, विभिन्न मरमसला तथा सेलरोटीलगायतका खानेकुरा पनि दिने प्रचलन रहेको छ । त्यसपछि दाजुभाइले दिदीबहिनीलाई क्षमता अनुसार दक्षिणा दिने गरिन्छ ।