लोकसेवा आयोगका सबै परीक्षा स्थगित

काठमाडौं । लोकसेवा आयोगले निर्धारित सबै लिखित परीक्षा स्थगित गरेको छ । आयोगले सोमबार निर्णय गर्दै कात्तिक १६ गतेदेखि सञ्चालन हुने सम्पूर्ण लिखित परीक्षाका कार्यक्रम स्थगित गरेको हो ।

आयोगले अर्को निर्णय नभएसम्मका लागि परीक्षा स्थगित गरेको जानकारी दिएको छ ।

आयोगले कोरोनाका कारण परीक्षामा सम्मिलित हुने उम्मेदवारहरुमा सृजना भएको भय एवम् आयोगका कर्मचारीहरुमा समेत कोरोना भाइरसबाट संक्रमित भइ परीक्षासँग सम्बन्धित मुख्य शाखाहरु समेत बन्द गर्नु परेको र कर्मचारीहरु आइसोलेसनमा रहेका कारण परीक्षा सञ्चालन गर्न कठिनाइ भएकाले परीक्षा स्थगित गरिएको बताएको छ ।