मन्त्रिपरिषद् पुर्नगठन, अर्थमन्त्रीमा विष्णु पौडेल नियुक्त

काठमाडौं । अर्थमन्त्रीमा विष्णु पौडेल नियुक्त भएका छन् ।

प्रधानमन्त्री केपी शर्मा ओलीले अर्थमन्त्रीमा पौडेललाई नियुक्त गरेका हुन् । उनी नेपकाका महासचिव हुन् । पौडेल यसअघि २०७२ सालमा ओली सरकारमा अर्थमन्त्री थिए ।

त्यसैगरी उपप्रधान सहित रक्षामन्त्री रहेका ईश्वर पोख्रेलको जिम्मेवारीमा भने हेरफेर गरिएको छ । उनलाई प्रधानमन्त्री तथा मन्त्रिपरिषद कार्यालयको जिम्मेवारी दिइएको छ ।

सञ्चार तथा सूचना प्रविधि मन्त्रालयको जिम्मा पार्वत गुरुङले पाएका छन । ईश्वर पोखरेलले सम्हाल्दै आएको रक्षा मन्त्रालयको जिम्मा प्रधानमन्त्री के.पी ओली आफैले राखेका छन ।

त्यस्तै सहरी विकास मन्त्रीमा कृष्णगोपाल श्रेष्ठ नियुक्त भएका छन् ।