मुकेश अम्बानीको रिलायन्स जिओमा फेसबुकले ६ खर्ब रुपैयाँ लगानी गर्ने

सोसल मिडिया साइट फेसबुकले भारतीय कम्पनी रिलायन्स इन्डस्ट्रीजको डिजिटल प्लेटफर्म रिलायन्स जियोमा ५ अर्ब ७० करोड अमेरिकी डलर अमेरिकी डलर लगानी गरेको छ । फेसबुकले बुधवार यो घोषणा गरेको हो । यस सम्झौतासँगै रिलायन्स जिओमा फेसबुकको हिस्सा ९.९९ प्रतिशत भएको छ ।

यस सम्झौता सम्बन्धी जानकारी साझा गर्ने क्रममा फेसबुकले आफ्नो न्यूजरूम पृष्ठमा यो लगानीले भारतप्रतिको प्रतिबद्धता र साथै रिलायन्स जियोले भारतमा गरेका परिवर्तनहरूप्रति ह उत्साहलाई देखाएको जनाएको छ ।

चार बर्ष भन्दा पनि कम समयमा, रिलायन्स जियोले ३८ करोड ८० लाख मानिसहरूलाई इन्टरनेटमा ल्याउन सफल भएको छ। यसले नयाँ उद्यमहरूलाई अगाडि बढाउन महत्वपूर्ण भूमिका खेलेको छ र व्यक्तिलाई नयाँ तरिकाहरूमा जोडेको छ।

फेसबुकको पृष्ठमा दिइएको जानकारीका अनुसार भारत डिजिटल टेक्नोलोजी अपनाएर सामाजिक र आर्थिक रुपले तीव्र गतिमा परिवर्तन भइरहेको छ। पछिल्ला बर्षमा भारतमा ६६ करोड मानिसहरूले इन्टरनेट प्रयोग गर्न थालेका छन्।

कम्पनीले आफ्नो उद्देश्य स्पष्ट गरीरहेको छ कि रिलायन्स जिओको साथ आउँदा यसले जनताका लागि नयाँ सम्भावनाहरू खोलिदिन्छ। साथै, यसको फोकस बढ्दो डिजिटल अर्थव्यवस्थामा प्रभावकारी रूपमा काम गर्ने र जनताका लागि व्यवसायका नयाँ तरिकाहरू सिर्जना गर्नेतर्फ हो।

यस सम्झौताले फेसबुकलाई भारतमा अर्को महत्वपूर्ण उपलब्धी प्राप्त गर्न मद्दत पुर्याउँछ, र जिओले प्रदान गर्ने सेवाहरूसँग नयाँ अवसर प्रदान गर्दछ। यसमा लाइभ टिभी देखि संगीत स्ट्रिमि र भुक्तानी सम्म सबै समावेश छ।

अहिले फेसबुक प्रयोगकर्ताहरू भारतका कुनै पनि अन्य देशहरू भन्दा बढी छन्। अर्कोतर्फ, यदि तपाईं यसको च्याट(एप व्हाट्सएपक ३० करोड प्रयोगकर्ता छन् ।

यो सम्झौतालाई रिलायन्स ईन्डस्ट्रीजको हिसाबले  भने यसले कम्पनीलाई ऋण कम गर्न पनि मद्दत पुर्याउँछ। रिलायन्सको महत्वाकांक्षा मार्च २०२१ सम्ममा ऋण शून्य झार्ने हो ।