पाँच तारे होटल हायत रेजेन्सीका सम्पूर्ण सेवा २१ अप्रिलसम्म बन्द

काठमाडौं । काठमाडौंस्थित पाँचतारे होटल हायात रेजेन्सीले अप्रिल २१ सम्मका लागि होटलका सम्पूर्ण सेवा बन्द गर्ने निर्णय गरेको छ । कोरोना भाइरसको संक्रमण रोक्नका लागि होटलले उक्त निर्णय गरेको हो ।

होटलले तत्काली समयसम्म कुनै पनि गेस्ट रुम, रेष्टुराँका कुनै पनि सेवाका लागि रिजर्भेसन नलिने निर्णय गरेको छ ।

साथै अहिले रिजर्भेसन गरिएका सम्पूर्ण कार्यक्रम पनि रद्द गरेको जारी सूचनामा उल्लेख गरेको छ । साथै अहिले भइरहेको होटलका ग्राहकको उचित हेरचाहमा उच्च सतर्कता अपनाउने समेत उल्लेख गरेको छ ।