सुनको मूल्य एकैदिन तोलामा ३ हजार रुपैयाँले घट्यो

काठमाडौं । सुनको मूल्य एकैदिन तोलामा ३ हजार रुपैयाँले घटेको छ । नेपाल सुनचाँदी व्यवसायी संघले सुनको मूल्य शुक्रबारको लागि छापावाल सुनको मूल्य ७८ हजार ५ सय तोकेको छ भने तेजावी सुनको मूल्य ७८ हजार २ सय रुपैयाँ रहेको छ ।

सुनको मूल्य बिहीबार ८१ हजार ५ सय रुपैयाँ थियो । मंगलबार अहिलेसम्मकै महंगो ८२ हजार ७ सय सम्म पुगेर सुनको मूल्य नेपाली बजारमा ओरालो लागेको छ ।
चाँदीको मूल्य पनि ३४ रुपैयाँले घटेर तोलामा ७०३ रुपैयाँ पुगेको छ ।

कोरोना भाइरसको प्रभावको कारण सेयर बजार ओरालो लागेपछि सुनको मूल्य उकालो लागेको थियो । तर,अमेरिकी केन्द्रीय बैंकले सेयर बजार उकास्नको लागि राहतको प्याकेज ल्याउने घोषणा गर्दा सुनको मूल्य अन्तराष्ट्रिय बजारमा ओरालो लागेको हो ।